Los byłoha supracoŭnika śpiecsłužbaŭ ZŠA Edvarda Snoŭdena, jaki apublikavaŭ sakretnyja dakumienty CRU, znachodzicca ŭ rukach uładaŭ Rasii, zajaviŭ u subotu prezident Ekvadora Rafael Karea.
«Kab my razhledzieli jaho (Snoŭdena) prašeńnie ab prytułku, jon pavinien być na terytoryi Ekvadora. U dadzieny momant rašeńnie, los Snoŭdena znachodziacca ŭ rukach rasijskich uładaŭ», - zajaviŭ Karea ŭ teleintervju pryvatnamu telekanału Oromar.
«My nie imknulisia apynucca ŭ takim stanoviščy. Snoŭden kantaktavaŭ z zasnavalnikam WikiLeaks Džulianam Asanžam, jaki parekamiendavaŭ jamu paprasić prytułku ŭ Ekvadory», - patłumačyŭ prezident Ekvadora. Kali Snoŭden apyniecca ŭ Ekvadory, ułady respubliki pastupiać hetak ža, jak u vypadku z Asanžam: vysłuchajuć ŭsie baki, uzvažać arhumienty i prymuć suvierennaje rašeńnie.
Karea taksama paviedamiŭ, što konsuł Ekvadora ŭ Łondanie, jaki vydaŭ Snoŭdenu tranzitnyja dakumienty, paniasie pakarańnie, bo pieravysiŭ svaje paŭnamoctvy. Dakumienty byli vydadzieny bieź jakoj-niebudź sankcyi, tamu niesapraŭdnyja.
