Prysud byŭ ahučany siońnia ŭ Viciebsku padčas adkrytaha pasiadžeńnia, paviedamlaje radyjo «Svaboda».

Jaho pryznali vinavatym u zamachu na ŭstanaŭleńnie kantaktaŭ z supracoŭnikam zamiežnaj śpiecsłužby biez prykmietaŭ zdrady dziaržavie.

Prysud vyniesieny na padstavie častki 1-j artykuła 14 i artykuła 356 Kryminalnaha kodeksa. Hety artykuł praduhledžvaje kryminalnuju adkaznaść za ŭstanaŭleńnie supracoŭnictva na kanfidencyjnaj asnovie sa śpiecsłužbaj, orhanam biaśpieki ci raźviedkaj zamiežnaj dziaržavy pry adsutnaści prykmietaŭ zdrady dziaržavie. Hety artykuł ŭniesieny ŭ Kryminalny kodeks zusim niadaŭna - u listapadzie 2011 hoda

23-chhadovy Andrej Hajdukoŭ, apieratar navapołackaha NPZ «Naftan», lidar niezarehistravanaha hramadskaha abjadnańnia «Sajuz maładych intelektuałaŭ», byŭ zatrymany 8 listapada 2012 h. Pa viersii śledstva — «u momant zakładki tajnika ź cikaviačymi zamiežnyja śpiecsłužby źviestkami».

Pieršapačatkova jon abvinavačvaŭsia pa artykule 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści), jakaja praduhledžvaje pakarańnie ŭ vyhladzie pazbaŭleńnia voli ad 7 da 15 hadoŭ.

Sud nad moładzievym aktyvistam pačaŭsia 12 červienia i prachodziŭ u zakrytym režymie.

28 červienia hienieralny prakuror Alaksandr Kaniuk paviedamiŭ, što Hajdukova pierakvalifikavana abvinavačvańnie.
Na jaki artykuł, hienprakuror kazać admoviŭsia, ale dadaŭ, što dziaržabvinavaŭca zapytaŭ u suda ŭ jakaści pakarańnia dla padsudnaha dva hady pazbaŭleńnia voli.
Клас
0
Панылы сорам
0
Ха-ха
0
Ого
0
Сумна
0
Абуральна
0