Marcin Obierh pakul nie atrymaŭ akredytacyju ad biełaruskaha MZS, ale čakajecca, što jon pačnie pracavać u vieraśni. Šviedskaje dyppradstaŭnictva ŭ Biełarusi pryjezd časovaha pavieranaha nie kamientuje.Obierhu 42 hady, u Minsk jon pryjechaŭ razam z žonkaj. Dahetul dypłamat pracavaŭ u ambasadzie Šviecyi ŭ Maskvie, dzie zahadvaŭ ekanamičnym adździełam.
***
Ab adnaŭleńni pracy šviedskaj dypmisii ŭ Biełarusi ŭ krasaviku ŭ svaim tvitary paviedamiŭ ministr zamiežnych spraŭ Šviecyi Karł Bilt.«Paśla peŭnych składanaściaŭ nieŭzabavie my znoŭ nakirujem časovaha pavieranaha kiravać našym pasolstvam u Minsk. Heta dobra dla kožnaha», — napisaŭ jon.
1 žniŭnia 2012 hoda biełaruskija ŭłady painfarmavali Šviecyju pra niepraciah akredytacyi pasłu Stefanu Eryksanu. Dypłamata abvinavacili ŭ destruktyŭnaj dziejnaści. U adkaz na heta šviedskija ŭłady zajavili, što nie prymuć novaha pasła Biełarusi i rekamiendavali dvum supracoŭnikam pasolstva pakinuć Stakholm. 8 žniŭnia minułaha hoda MZS Biełarusi abviaściŭ pra adklikańnie ŭsich supracoŭnikaŭ biełaruskaha pasolstva ŭ Stakholmie. Šviedskamu boku było rekamiendavana pryniać anałahičnyja miery i adklikać usich svaich dypłamataŭ ź Minska.