U Ministerstvie zamiežnych spraŭ Biełarusi nie kamientujuć infarmacyju ab tym, što prezident Vieniesueły Nikałas Madura moža pryvieźci z Maskvy ŭ Minsk źbiehłaha supracoŭnika CRU Edvarda Snoŭdena.
«Ciapier źjaŭlajecca vialikaja kolkaść čutak vakoł palityčnaha dysidenta Snoŭdena. My nie ličym nieabchodnym ich kamientavać», — zajaviŭ BiełaPAN
Raniej rasijskaja hazieta «Iźviestiia» sa spasyłkaj na krynicu ŭ administracyi prezidenta Rasii napisała, što Madura moža asabista vyvieźci Snoŭdena z Maskvy.Pavodle infarmacyi vydańnia, pytańnie ab davańni palityčnaha prystanišča Snoŭdenu budzie ŭzdymacca na sustrečy Madury i Uładzimira Pucina. «Ale kančatkovaje rašeńnie pra mahčymaść davańnia palityčnaha prytułku i sposab pieramiaščeńnia ŭ Karakas prymie Nikałas Madura», — paviedamiła krynica.
Niekalki dzion tamu Nikałas Madura zajaviŭ, što hatovy dapuścić na terytoryju svajoj krainy byłoha supracoŭnika CRU, jaki raskazaŭ žurnalistam ab prahramie pa zbory asabistych źviestak hramadzian, kali atrymaje ad jaho adpaviednuju prośbu.Madura budzie ŭdzielničać u hazavym samicie ŭ Maskvie 1–2 lipienia, a zatym maje namier adpravicca ŭ Minsk, dzie zapłanavana jaho sustreča z Alaksandram Łukašenkam.
Raniej paviedamlałasia, što Łukašenka moža dać prytułak Snoŭdenu.Ab hetym, u pryvatnaści, zajaviŭ pieršy namieśnik staršyni kamiteta Dziarždumy Rasii pa mižnarodnych spravach Leanid Kałašnikaŭ. Čynoŭnik nie vyklučyŭ vierahodnaści taho, što z Maskvy były ahient CRU moža nakiravacca ŭ Minsk.
Pavodle słoŭ Savinych, da hetaha momantu Snoŭden nie źviartaŭsia da biełaruskaha boku z prośbaj ab davańni palityčnaha prytułku.
