Vystupoŭcy raskidvalisia kašulkami, častkami muzyčnych instrumientaŭ, a publika ŭ adkaz radasna trasła patłami dy raŭła «miasa!».

Druhaja častka prezientacyi «Metallection‑4», jakaja adbyłasia 31 žniŭnia ŭ kłubie «Reaktar», zaśviedčyła, što jakasny «metall» nie padułasny «stareńniu».

Viečna maładyja dušoj vystupoŭcy i viadučy raskidvalisia kašulkami z adpaviednym łahatypam, častkami muzyčnych instrumientaŭ, a publika ŭ adkaz radasna trasła patłami dy raŭła «miasa!».

Muzyčnyja zborki, padobnyja da «Metallection‑4» prychilniki ciažkoha roku čakajuć jak «many niabiesnaj» — na siońniašni momant prajekt nie maje anałahaŭ na Biełarusi. Adnak, takaja adsutnaść kankurentaŭ nie pieraškadžaje arhanizataram udaskanalvacca ŭ płanie arhanizacyi kancertu i imknucca da jeŭrapiejskaj jakaści muzyki.

Jak vynik — tak zvanaha «razahrevu» na prezientacyi «Metallection‑4» zaŭvažna nie było. Kancert pačaŭsia «ź miesca ŭ karjer» pryvitańniem hitarysta Nightside glance, achviaravaŭšaha svaim fanatam pas ad instrumientu.

Zygimont Vaza syhraŭ častku staroj prahramy, paviesialiŭšy prysutnych dobraj sumieśsiu ciažkaha roku i rok‑n‑rołu i ryfmavanym radkom «zašychtuje ŭsich uščent vałasaty atrament», pieraroblenym admysłova pad «mietaličnuju» prezientacyju.

«Vaha» kancerta ŭzrastała pa miery źmieny jaho hurtoŭ — ad ciažkaha rok‑n‑rołu da «metall». Nastupnym etapam pavieličeńnia kolkaści «mietału» ŭ vystupach była «vialikaja nadzieja» arhanizataraŭ — hurt Soulsides, i hurt Euphoria.

Finalny akord u prezientacyi syhraŭ śpiecyjalny hość prezientacyi Vicious Crusade. Doŭhaja adsutnaść na scenie i anhłamoŭny tekst piesień (z vyraznym biełaruskim źmiestam!) nie zdoleli pieraškodzić jaho fanatam sustreć «višesaŭ» jak śled. Takija pieśni, jak Lost Generation, śpiavała ŭsia zala. Niekatoryja z fanataŭ śpiecyjalna pryjechali z rehijonaŭ, kab pryvitać viartańnie Vicious Crusade i sfatahrafavacca «ź IMI»!

Adzinaje, što nie ŭsim hurtam chapiła času dla poŭnaha vystupu. A syhrać było što. Mahčyma, arhanizataram adzinaha biełaruskamoŭnaha ciažkoha festu na Biełarusi — BMA (Biełaruskaja Muzyčnaja Alternatyva), Paŭluku Jiermaku, Siarhieju Azaranku (Astron) i Andrusiu Staravojtavu — varta padumać nad praviadzieńniem «Metallection‑5» u try častki.

Darja Haroška

Zdymki Arsienia Pachomava

Клас
Панылы сорам
Ха-ха
Ого
Сумна
Абуральна