Za pracu na zamiežnyja radyjostancyi vyniesienyja papiaredžańni haradzienskim žurnalistam Natalli Makušynaj i Ivanu Romanu.

Jan Roman papiaredžany za toje, što jon «ažyćciaŭlaje svaju žurnalisckuju dziejnaść z parušeńniem patrabavańniaŭ zakonu RB «Ab druku i druhich srodkach masavaj infarmacyi» i Pałažeńnia ab znachodžańni i prafesijnaj dziejnaści na terytoryi RB pradstaŭnictvaŭ i akredytavanych u RB karespandentaŭ zamiežnych ŚMI».

Pavodle namieśnika prakurora Leninskaha rajona Horadni A. Abramoviča, sp. Roman nia maje akredytacyi MZS Biełarusi, a jahonyja materyjały dla radyjo nie zaŭsiody dakładnyja i «…majuć tendencyjny charaktar i zdolnyja nanieści škodu mižnarodnamu imidžu RB», paviedamlaje Radyjo Racyja.

Siońnia taksama było vyniesiena papiaredžańnie Natalli Makušynaj, jakuju taksama vinavaciać u pracy na zamiežnuju radyjostancyju.

Nahadajem, što ŭ studzieni analahičnaje papiaredžańnie było vyniesiena homielskaj žurnalistcy Junieli Salnikavaj, a ŭ sakaviku aštrafavany za pracu na Radyjo Svaboda Anatol Hatoŭčyc, taksama z Homielu. Ciapier pryjšła čarha haradzienskich.

Клас
Панылы сорам
Ха-ха
Ого
Сумна
Абуральна