Mužčyna zdymaŭ na fota i videa svaju žonku i siabroŭ, a zatym pradavaŭ roliki i zdymki praź internet, paviedamili adździaleńnie infarmacyi i hramadskich suviaziaŭ UUS Minabłvykankama i adździeł infarmacyi i suviaziaŭ z hramadskaściu Śledčaha kamiteta.

Kolki času tamu ŭ adździeł pa supraćdziejańni handlu ludźmi UUS Minabłvykankama pastupiła apieratyŭnaja infarmacyja pra toje, što maładaja siamiejnaja para, jakaja žyvie ŭ Minsku, vyrablaje parnahrafičnyja materyjały (fatahrafii i videaroliki) i raźmiaščaje ich na sajt adpaviednaj tematyki.

Adzin z naviedvalnikaŭ sajta, žychar Narviehii, zacikaviŭšysia materyjałami, prapanavaŭ im źniać anałahičnyja parnaroliki, ale z udziełam i inšych maładych ludziej. U jakaści apłaty paabiacaŭ zabrać samadziejnych pornaakcioraŭ u Narviehiju dla prastytucyi i zdymak u prafiesijnych parnastužkach.

Haspadar siamiejstva vyrabiŭ niekalki rolikaŭ. Dla hetaha jon arandavaŭ na sutki kvateru, videakamieru i zaprašaŭ dla ŭdziełu ŭ amatarskich zdymkach dvuch siabroŭ i dziaŭčynu, ź jakoj paznajomiŭsia praź internet. I kali maładyja ludzi «pracavali» z čystaha entuzijazmu, to dziaŭčyna taksama spakusiłasia na prapanovu nakiravacca ŭ Narviehiju za lohkimi hrašyma. U čakańni adkazu narviežca mužčyna raźmiaściŭ na tym ža sajcie fatahrafii i videaroliki, dostup da jakich zakryŭ parolem. Achvotnym aznajomicca ź pikantnymi rolikami jon prapanavaŭ pieravieści na jaho kašalok WebMoney dosyć vialikuju sumu ŭ valucie.

Adzin z karystalnikaŭ, žychar Maskvy, pieravioŭšy na ŭkazany rachunak hrošy i pierakanaŭšysia ŭ raskavanaści i bahataj fantazii pary, prapanavaŭ im akazvać jamu seksualnyja pasłuhi za niemałuju ŭznaharodu. Siamiejstva pahadziłasia i pačało rychtavacca da adjezdu ŭ Rasiju. Adnak trapić u Maskvu im nie ŭdałosia — ich zatrymali apieratyŭnyja supracoŭniki ŭpraŭleńnia pa narkakantroli i supraćdziejańni handlu ludźmi milicyi Minskaj vobłaści.

U dačynieńni da mužčyny Frunzienskim (Minska) rajonnym adździełam SK raspačata sprava na padstavie č. 2 art. 343 KK (vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?