U Biełarusi zabaroniena realizacyja partyi rybnaj pradukcyi rasijskaj kampanii «Bałt-Fiš plus», paviedamili ŭ pres-słužbie Ministerstva handlu
.
Orhanam pa siertyfikacyi pradukcyi RUP «Navukova-praktyčny centr Nacyjanalnaj akademii navuk Biełarusi pa charčavańni» pryniata rašeńnie pra admovu ŭ vydačy siertyfikata adpaviednaści na partyi kansiervaŭ rybnych sterylizavanych u blašankach, vyrablenych AT «Bałt-Fiš plus» (Rasija, Pskoŭskaja vobłaść, Pskoŭski rajon, vioska Ščyhlicy).
Adchilena ad realizacyi partyja z 49.992 blašanak kansiervaŭ «Traska naturalnaja z dabaŭleńniem aleju» (masa 240 h, Dast 13865–2000, data vyrabu 05.12.2012, termin prydatnaści dva hady) i 4.992 blašanak kansiervaŭ «Farel viasiołkavaja kavałački naturalnaja» (masa 240 h, Dast 7452–97, data vyrabu 14.12.2012, termin prydatnaści 24 miesiacy).
Analiz uzoraŭ pakazaŭ nieadpaviednaść pradukcyi pa arhanaleptyčnych pakazčykach.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH