Rasijski bok "razhladaje mahčymaść" pavieličeńnia pastaŭki nafty ŭ III i IV kvartałach, kab Mazyrski NPZ i AAT "Naftan" "bolš efiektyŭna papracavali". Ab hetym zajaviŭ učora Nadzvyčajny i Paŭnamocny Pasoł Rasii ŭ Biełarusi Alaksandr Surykaŭ padčas sustrečy sa staršynioj Minskaha abłvykankama Leanidam Krupcom.

Havoračy pra padpisanaje ŭ sakaviku Pahadnieńnie ab mierach pa raźvićciu handlova-ekanamičnaha supracoŭnictva pamiž krainami, jakoje pavinna było źniać šerah abmiežavańniaŭ u handli, pasoł adznačyŭ, što rasijski bok žadaje, kab ź jaho dapamohaj "my vyjšli na narmalny režym padtrymki ŭ pieršuju čarhu sielhasvytvorcaŭ".

Havoračy pra situacyju z pastaŭkami cukru ź Biełarusi ŭ Rasiju, pasoł nahadaŭ pra pretenzii da zavodaŭ respubliki, jakija, pa viersii rasijskaha boku, pad vyhladam burakovaha pastaŭlali cukar, vyrableny z syraviny, jakaja impartavałasia ŭ Biełaruś. "Nam vielmi škada, što my byli vymušanyja pastupić takim čynam, što biełaruski bok uziaŭ na sabie samaabmiežavańnie pa pastaŭkach cukru ŭ Rasiju. Sioleta — 180 tys. ton... My zrabili heta tamu, što nie chočam padtrymlivać sialan inšych krain. My chočam padtrymlivać sialan Biełarusi". U toj ža čas Alaksandr Surykaŭ adznačyŭ, što "kali Biełaruś vyjdzie na vytvorčaść ułasnaha burakovaha cukru, bolšuju za patreby krainy, my hatovyja ŭvieś hety cukar nabyć".

Alaksandr Surykaŭ adznačyŭ: "Dumaju, na praciahu paŭhoda my zakončym usie "cukierkavyja" sprečki".

Rasijski bok, pavodle słoŭ pasła, ličyć taksama, što nieabchodna stvaryć doŭhaterminovy bałans vytvorčaści i pastavak sielskahaspadarčaj pradukcyi pa asnoŭnych jaje vidach: zbožža, małako, cukar, miasa, alej. "Hadoŭ na dziesiać. Kab mieć rysu, da jakoj my pavinny imknucca. Naroščvać abjomy vytvorčaści, viarstać adpaviednyja prahramy..."

Pasoł zajaviŭ taksama, što Rasiju "cikaviać dalejšyja intehracyjnyja pracesy ŭ halinie pramysłovaj vytvorčaści". Pry hetym jon paviedamiŭ, što niadaŭna była adkryta zboračnaja vytvorčaść "Homsielmaša" ŭ Bransku, vytvorčaść Minskaha traktarnaha zavoda ŭ Mardovii.

Siarod prablem, jakija isnujuć u pramysłovym uzajemadziejańni, — niedachopy ŭ halinie servisnaha absłuhoŭvańnia. U pryvatnaści, "treba razabracca z pytańniami servisnaha absłuhoŭvańnia va Uschodniaj Sibiry" aŭtamabilaŭ BiełAZ. Pavodle słoŭ pasła, pastupajuć skarhi na toje, što "servisnaja častka BiełAZa pradstaŭlena vielmi słaba" ŭ zhadanym rehijonie. Pry hetym popyt na vielikahruznuju techniku va Uschodniaj Sibiry vysoki i rasijski bok chacieŭ by "ŭtrymać na rynku biełaruskija aŭtamabili".

Źviartajučysia da temy pavyšeńnia koštu hazu dla Biełarusi z 2007 hoda, pasoł paviedamiŭ, što siońnia "7 rehijonaŭ Rasii płaciać 100 dołaraŭ za haz. I ŭsie novyja mahutnaści, jakija padklučajucca da hazu, płaciać na paradak vyšej, čym Biełaruś. My taksama znachodzimsia na šlachu da SHA. I my budziem pryvodzić da prytomnaści svaju pramysłovaść. Bo kali nie zrobim hetaha, to prosta stracim jaje".

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?