Najbolš pierśpiektyŭnymi dla budaŭnictva AES u Biełarusi źjaŭlajucca placoŭki ŭ Mahiloŭskaj vobłaści, paviedamiŭ 6 vieraśnia na pres‑kanfierencyi ŭ Minsku namieśnik staršyni prezidyuma Nacyjanalnaj akademii navuk Biełarusi Uładzimir Cimašpolski. «Pryjarytet na 90% addajecca Mahiloŭskaj vobłaści, — skazaŭ jon. — My chočam vybrać samuju lepšuju placoŭku, dzie budzie sucelny hrunt».

Pavodle słoŭ U.Cimašpolskaha, u Biełarusi ciažka padabrać idealnaje miesca pad budaŭnictva AES, «pakolki šmat azior». U suviazi z hetym košt budaŭnictva AES budzie niekalki pavialičany. «Siaredniaja cana budaŭnictva adnaho kiłavata mahutnaściej pry narmalnaj placoŭcy va ŭsim śviecie na ŭzroŭni 1.600 dołaraŭ. U nas ža budzie ŭ siarednim 2.000 dołaraŭ», — padkreśliŭ śpiecyjalist.

Vučony prainfarmavaŭ, što z 54 pierśpiektyŭnych placovak vybrana dźvie‑try. Heta Krasnapalanskaja, Kukšynaŭskaja i placoŭka ŭ Zachodniaj Biełarusi na miažy ź Litvoj. «Ihnalinskaja AES choča zachoŭvać adchody na miažy ź Biełaruśsiu. Čamu nam taksama nie pabudavać tam błok, bo pachavańnie adchodaŭ pavinna vieścisia ŭ radyusie 10 km ad błoka», — zaznačyŭ U.Cimašpolski. Pavodle jaho słoŭ, pry budaŭnictvie AES razhladajucca takija pytańni, jak «palityčnaja padaploka, stancyja jak takaja i placoŭka».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?