Ciapier 25‑ci hadovy rabočy haradzienskaha pradpryjemstva «Metałaprakat» z unutranaj hiematomaj voka znachodzicca ŭ abłasnym špitali. Niama peŭnaści, što skalečanaje voka budzie bačyć.

Voś što raspavioŭ sam paciarpieły. Viartajučysia z pracy, u šapiku na aŭtavakzale nabyŭ piva. Chacieŭ adkarkavać, i ledźvie dakranuŭsia zapalničkaj da korku, jak toj streliŭ prosta ŭ voka. «Ja navat nacisnuć na korak nie paśpieŭ, tolki lohka dakranuŭsia» — uzhadvaje Źmicier.

Potym byŭ piakielny bol i kroŭ. Chłopiec samastojna dajechaŭ da balnicy chutkaj dapamohi, ale tam nie ŭzialisia jaho ratavać i nakiravali ŭ abłasnuju balnicu. Tam jon ciapier i znachodzicca. Źmitru nielha ŭstavać z łožku, voka balić. Medyki nie harantujuć, što voka budzie bačyć. U paciarpiełaha surjoznaja ŭnutranaja hiematoma. Učora jon pačaŭ adroźnivać kolery. Pra niejkaje raźbiralnictva ź pivavarami pakul nia dumaje, nie da taho. Ale, jak kažuć susiedzi pa pałacie, trymajecca małajcom.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?