Były supracoŭnik amierykanskich śpiecsłužbaŭ Edvard Snoŭden pakinuŭ tranzitnuju zonu maskoŭskaha aeraporta Šaramiećjeva, dzie jon znachodziŭsia z 23 červienia.

U čaćvier Snoŭden atrymaŭ dakumienty, jakija dazvalajuć jamu svabodu pieramiaščeńnia.

«Ja pieradaŭ jamu dakumienty ź Fiederalnaj mihracyjnaj słužby Rasii i jon pakinuŭ aeraport», — paviedamiŭ advakat Anatol Kučerena. U intervju rasijskim ŚMI jon udakładniŭ, što Snoŭden adpraviŭsia «ŭ biaśpiečnaje miesca».

ZŠA damahajucca ekstradycyi Snoŭdena, jaki źviarnuŭsia da Rasii z prośbaj pra palityčny prytułak.

Na radzimie źbiehłaha padradčyka Ahienctva nacyjanalnaj biaśpieki, jaki raspavioŭ presie ab sakretnych prahramach amierykanskich śpiecsłužbaŭ pa kantroli za telefonnymi pieramovami i elektronnaj poštaj zamiežnych hramadzian, abvinavačvajuć u zdradzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?