Na čyhunačnaj stancyi Minsk-Sartavalny likvidavany nastupstvy nadzvyčajnaj situacyi.

4 žniŭnia ŭ 21.37 u centr apieratyŭnaha kiravańnia Minskaha haradskoha ŭpraŭleńnia MNS pastupiła paviedamleńnie pra toje, što na stancyi Minsk-Sartavalny pa prybyćci na 4-ty puć hruzavoha łakamatyva znosinami Brest — Biekasava adbyŭsia schod z rejek čatyroch cysternaŭ. Usiaho ŭ sastavie było 93 cysterny. Cysterny parožnija z-pad zvadkavanaha hazu. Dźvie ź ich naležać Rasii, dźvie — Kazachstanu.

Čyhunačnaje pałatno paškodžana nie było. Ruch ciahnikoŭ ažyćciaŭlaŭsia ŭ štatnym režymie zhodna z raskładam. Paciarpiełych niama.

U vyniku zdareńnia paškodžany čatyry cialežki (vosiem kołavych par), apora kantaktnaj sietki, čyhunačny śviatłafor.

Na adnaŭleńni kantaktnaj linii pracavali avaryjnyja bryhady Minskaj dystancyi elektrazabieśpiačeńnia, Minskaj dystancyi sihnalizacyi, suviazi, Minskaj dystancyi puci, Minskaha vahonnaha depo UP «Minskaje adździaleńnie Biełaruskaj čyhunki». Dla pastanoŭki cysternaŭ na rejki byŭ zadziejničany ramontna-adnaŭlenčy ciahnik. Usiaho na likvidacyi nastupstvaŭ zdareńnia pracavali 60 čałaviek.

U 01.00 5 žniŭnia adnaŭlenčyja raboty byli zavieršany. Pryčyna zdareńnia ŭstanaŭlivajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?