Na hetym tydni ŭ Biełarusi budzie śpiakotnaje nadvorje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 5 žniŭnia na videabryfinhu.

Pavodle infarmacyi Rabava, u Biełaruś pačali pastupać pavietranyja masy z Paŭdniova-Zachodniaj Jeŭropy. «U bolšaści rajonaŭ ŭstalujecca haračaje i suchoje nadvorje», — adznačyŭ jon.

U aŭtorak apadkaŭ nie čakajecca, tolki ŭ asobnych rajonach Viciebskaj vobłaści mohuć prajści karotkačasovyja daždžy, mahčymy navalnicy. Tempieratura pavietra nočču plus 13–19°S, dniom 25–29°S, pa paŭdniovym zachadzie da plus 30–31°S.

U sieradu bieź istotnych apadkaŭ. Tempieratura pavietra nočču plus 15–19°S, dniom 26–31°S, pa paŭdniovym zachadzie — da plus 33°S.

U čaćvier taksama biez apadkaŭ. Tempieratura pavietra nočču plus 15–21°S, dniom 27–34°S.

U piatnicu čakajecca pieravažna biez apadkaŭ, dniom pa paŭnočna-zachodnich rajonach mahčymy karotkačasovyja daždžy, navalnicy. Tempieratura pavietra nočču plus 15–22°S, dniom 28–33°S, pa poŭdni — da plus 35°S.

«U vychadnyja dni nadvorje pačnie mianiacca.
Z Zachodniaj Jeŭropy praz našu krainu budzie prachodzić aktyŭny kantrasny atmaśfierny front, jaki pastupova budzie adciskać śpiakotnaje pavietra na ŭschod.

Na bolšaj častcy terytoryi čakajucca karotkačasovyja daždžy, miescami navalnicy, mocnyja zalevy. U dzionnyja hadziny mohuć być ŭzmacnieńnia vietru z paryvami da 15–20 m/s, u asobnych rajonach mahčymy hrad», — paviedamiŭ Rabaŭ.

U subotu tempieratura pavietra nočču plus 15–22°S, dniom ad plus 20–22°S pa zachadzie, da plus 31–33°S pa ŭschodzie krainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?