Tak-tak, ty ŭsio pravilna pračytała! Siońnia pahavorym pra toje, što ž moža vybić mužčynu z kalainy nastolki, što jamu navat seksam zajmacca nie chočacca. Treba skazać, u sučasnym śviecie mocnych i paśpiachovych žančyn heta adbyvajecca ŭsio čaściej… I značna čaściej, čym chaciełasia b. Niekalki situacyj.

Vy dobra bavicie čas, ale jon admaŭlajecca ad seksu na adnu noč.

Zdavałasia b — usio dla ciabie, darahi! Užo nie ćviarozaja, ale nadzvyčaj pryvabnaja žančyna, abstanoŭka adpaviednaja, abaviazkaŭ nijakich… To ŭ čym prablema? A ŭ tym, što mužčyny, jak i žančyny, bajacca być skarystanymi! Nie, kali jon sam inicyjatar — tady kali łaska! Ale kali ty daješ zrazumieć, što chočaš prosta ź im pazabaŭlacca, jon moža i spałochacca. Maŭlaŭ, «jak ža pazabaŭlacca, sa mnoj? Ja ž alfa-samiec! U mianie možna tolki zakachacca!» I hetak dalej.

Vy ŭžo praciahły čas razam, ale blizkaści ŭsio niama.

«Užo poŭnač nabližajecca…», jak toj kazaŭ. Daviadziecca sapsavać tabie nastroj — u jaho jość peŭnyja prablemy albo fizičnaha, albo psichałahičnaha charaktaru. Mahčyma, sprava ŭ tabie, ty zanadta ciśnieš na jaho, abmiažoŭvaješ jaho svabodu i h.d. Ci ŭ jaho jość peŭny fietyš ŭ sieksie, vielmi dla jaho važny, ale jon baicca ci saromiejecca tabie pra jaho raskazać. U lubym vypadku vam varta pahavaryć pra heta i, mahčyma, źviarnucca da śpiecyjalista: psichołaha abo seksołaha.

U cełym psichołahi kažuć, što mnostva faktaraŭ mohuć «adbić» ŭ našych mača žadańnie: heta mohuć być i prablemy na pracy, i asabistyja pieražyvańni… Psichasamatyka — nieasprečnaja reč. Tamu, sutyknuŭšysia z hetaj prablemaj, pastarajsia być maksimalna dalikatnaj, kab partnior nie zamknuŭsia ŭ sabie kančatkova.

Spačatku pasprabuj skazać, jaki jon vydatny i jak tabie ź imi pašancavała — uvohule, sprabuj usialak «padsaładzić pilulu». I tolki kali pabačyš, što jon rassłabiŭsia, pierachodź da sutnaści prablemy. Pryčym, kali budzieš bačyć, što ŭ jaho hłybokija ŭnutranyja pieražyvańni, lepš usio ž pašukać dapamohi ŭ prafiesijanała, a nie zajmacca samakapańniem ŭ padśviadomaści kachanaha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?