Syn pastara pratestanckaj carkvy byŭ źbity pieršakłaśnikami za svaju «niepravasłaŭnaść»

Źbićcio było spravakavanaje pravasłaŭnym malebnam pierad pačatkam navučalnaha hodu. Syn pastara pratestanckaj carkvy pasiołka Hrybanaŭski Varoniežskaj vobłaści, pryjšoŭšy ŭ pieršuju klasu 1 vieraśnia, byŭ žorstka źbity svaimi adnahodkami. Jak zajaviŭ presie i pravaabaroncam pastar pratestanckaje carkvy Alaksiej Piaroŭ, jahony siamihadovy syn pryjšoŭ u tuju ž klasu, dzie pačaŭ vučycca syn miascovaha pravasłaŭnaha śviatara ajca Alaksandra. Baciuška adsłužyŭ malebien pierad pačatkam navučalnaha hodu i razdaŭ ŭsim ikonki i malitoŭniki.

Syn pastara nie chryściŭsia padčas malebnu, što i stała povadam dla hvałtu. Padčas pierapynku dzieci nakinulisia na chłopčyka i pačali jaho bić. Źbićcio praciahvałasia paśla druhoha i treciaha ŭroka.

Kiraŭnictva škoły padała incydent jak prostuju sprečku pamiž školnikami. Chłopčyk bajaŭsia iści ŭ škołu, tamu jaho pieraviali ŭ inšuju klasu. Pavodle słovaŭ baćkoŭ, da hetaje pary syn baicca, što pryjdzie baciuška, a paśla jaho buduć bić.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?