Amierykanskaja pop-śpiavačka Łedzi Haha vystupiła z rezkaj krytykaj rasijskich uładaŭ, jakija ŭščamlajuć, na jaje dumku, pravy seksualnych mienšaściaŭ.

U paniadziełak uviečary jana raźmiaściła ŭ svaim mikrabłohu sieryju paviedamleńniaŭ na hetuju temu: «Mužnaści ŁHBT-supolnaści ŭ Rasii. Urad, jaki ŭščamlaje vašy pravy, archaičny. Trucić padletkaŭ piarcovym hazam? Źbivać? Rasija-maci

Taksama śpiavačka napisała: «Čamu ž vy mianie nie aryštavali, pakul była mahčymaść, a? Rasija? Bo nie žadali adkazvać pierad śvietam?»

Twitter Łedzi Hahi čytajuć amal 40 miljonaŭ čałaviek pa ŭsim śviecie.

U 2012 hodzie paśla kancertu Łedzi Hahi ŭ Pieciarburhu deputat miascovaha zakanadaŭčaha schodu Vitalij Miłonaŭ sprabavaŭ abvinavacić śpiavačku ŭ hiej-prapahandzie, adnak jamu nie ŭdałosia pierakanać pravaachoŭnyja orhany raspačać kryminalnuju spravu.

Rasijski zakon ab zabaronie prapahandy «nietradycyjnych adnosin» siarod dziaciej vyklikaŭ chvalu krytyčnych vystupleńniaŭ na Zachadzie, uklučajučy zakliki nie kuplać rasijskuju harełku i bajkatavać zimovuju Alimpijadu ŭ Sočy ŭ 2014 hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?