Dzielačysia ŭražańniami paśla ahladu atela, kiraŭnik dziaržavy skazaŭ: «Dobra zrabili». «Centr Minska atrymlivajecca pryhožym», — adznačyŭ biełaruski lider.

U čas naviedvańnia haścinicy jon zapatrabavaŭ nie zaciahvać raboty pa rekanstrukcyi histaryčnaj častki biełaruskaj stalicy i ŭ cełym infrastruktury horada.

Pry hetym Alaksandr Łukašenka dadaŭ, što pry vybary padradčykaŭ i inviestaraŭ na praviadzieńnie budaŭničych rabot nieabchodna pravodzić konkurs. «Chto pieramoža, chto prapanuje lepšy varyjant — toj i budzie budavać. Heta datyčycca ŭsich bujnych i važnych abjektaŭ Biełarusi, u tym liku Parku vysokich technałohij, — adznačyŭ kiraŭnik dziaržavy. — Usio pavinna być sumlenna i adkryta».

U intervju žurnalistam mer Minska Michaił Paŭłaŭ paviedamiŭ, što ŭ čas naviedvańnia haścinicy «Jeŭropa» kiraŭnika dziaržavy prainfarmavali ab dalejšych płanach pa dobraŭparadkavańniu stalicy. «Prezident adobryŭ našy padychody i vykazaŭ žadańnie naviedać histaryčny abjekt — Łošyckuju siadzibu, nad adnaŭleńniem jakoj my ciapier pracujem», — adznačyŭ staličny mer.

Pavodle jaho słoŭ, u bližejšych płanach meryi — prapanavać prezidentu aznajomicca z chodam budaŭnictva ŭ Minsku spartyŭnych abjektaŭ, rekanstrukcyjaj budynka Nacyjanalnaj škoły pryhažości, pryniać udzieł u adkryćci dźviuch novych stancyj mietrapalitena ŭ listapadzie.

Pavodle słoŭ Michaiła Paŭłava, Alaksandr Łukašenka taksama vykazaŭ žadańnie pryniać udzieł u zakładcy pieršaha kamienia na miescy budaŭnictva Studenckaj vioski.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?