Prysudam suda Škłoŭskaha rajona asudžany były dyrektar AAT «Škłoŭski kambikormavy zavod» i były hałoŭny inžynier hetaha pradpryjemstva za ŭčynieńnie złačynstva, praduhledžanaha č. 2 art. 424 KK (złoŭžyvańnie słužbovymi paŭnamoctvami).

Jak paviedamiła staršy pamočnik prakurora Mahiloŭskaj vobłaści Ała Kuźniacova, asudžanyja ŭ metach pakaznoj stabilnaści pracy pradpryjemstva, vykanańnia daviedzienych pakazčykaŭ pa vytvorčaści i realizacyi pradukcyi na naradach davali vusnyja niezakonnyja rasparadžeńni padparadkavanym kiraŭnikam strukturnych padraździaleńniaŭ pradpryjemstva składać zahadzia padroblenyja pieršasnyja dakumienty strohaj spravazdačnaści.

Vykonvajučy hetyja ŭkazańni, słužbovyja asoby roznych struktur zavoda štomiesiac ź lutaha 2009 pa studzień 2010 hoda składali fiktyŭnyja spravazdačy pra ruch chlebapraduktaŭ i tary na elevatarach i składach, raparty pra vypracoŭku kambikarmoŭ i vykarystańnie syraviny,

patrabavańni-nakładnyja na vykarystańnie syraviny, nakładnyja na vodpusk zbožža ŭ pierapracoŭku, jakija źmiaščajuć niapeŭnuju infarmacyju pra kolkaść vyrablenaj i zdadzienaj na skład hatovaj pradukcyi, pra kolkaść zbožža i syraviny, zraschodavanaj na vypracoŭku pradukcyi. Na padstavie hetych dakumientaŭ naličałasia zarabotnaja płata rabotnikam pradpryjemstva i premijalnaja dapłata.

U vyniku supraćpraŭnych dziejańniaŭ byłych kiraŭnikoŭ kambikormavaha zavoda pradpryjemstvu naniesieny materyjalny ŭron u bujnym pamiery ŭ vyhladzie zališnie naličanaj i vypłačanaj rabotnikam zarabotnaj płaty, premij, a taksama zališnich vypłat u Fond sacyjalnaj abarony, piensijny fond, a taksama ŭ biudžet padachodnaha padatku.

Sud pryznaŭ byłych kiraŭnikoŭ pradpryjemstva vinavatymi va ŭčynieńni złačynstva i ŭ jakaści miery pakarańnia pryznačyŭ kožnamu pazbaŭleńnie voli terminam na dva hady z adterminoŭkaj vykanańnia na hod, z vypłataj štrafu ŭ pamiery 200 bazavych vieličyń, z pazbaŭleńniem prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ terminam na piać hadoŭ.

Prysud nabyŭ moc.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?