U śpioku nieabchodna pić vadkaści na 1–1,5 ł bolš, čym zvyčajna, a taksama abmiežavać spažyvańnie tłustaj, vysokakałaryjnaj ježy i ałkaholu.

Lepš vybirać nie minieralnuju vadu, a jahadny mors abo naturalny sok.

Nie rekamiendujecca ŭ haračaje nadvorje ŭžyvać sałodkija hazavanyja napoi.
U racyjonie charčavańnia pavinny daminavać sadavina i harodnina, bo dla ich arhanizmu nie patrabujecca lišnich vydatkaŭ.
Tak, kab paźbiehnuć soniečnaha ŭdaru, abaviazkova treba nasić hałaŭny ŭbor.

Adzieńnie musić być svabodnym i z naturalnych tkanin. Kali horača, u sintetyčnaj vopratcy cieła nie addaje ciapło. U vyniku atrymlivajecca pierahreŭ arhanizmu.

Aśviažycca paśla śpiakotnaha dnia dapamoža chaładnavaty duš, pažadana jaho prymać niekalki razoŭ na sutki.

Kali takoj mahčymaści niama, treba staracca čaściej apałoskvać ruki prachałodnaj vadoj.

Dla baraćby ź biessańniu, jakaja niaredka zdarajecca ŭ dušnaj kvatery, lepš vybirać preparaty na travach, da prykładu, advar ź miaty.
Pierad snom budzie karysna pravieści vilhotnuju ŭborku, pravietryć pamiaškańnie, pryniać kantrasny duš.
Kali ŭ kvatery vielmi horača, možna pastavić na tumbačku kala hałavy pasudzinu ź lodam i nakryć jaho survetkaj.

Ludziam z chraničnymi zachvorvańniami i zachvorvańniami sardečna-sasudzistaj sistemy nielha ŭ samy soncapiok pracavać na adkrytym pavietry. Im taksama nieabchodna svoječasova prymać leki, rehularna mierać cisk i puls.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?