Arcybiskup Tadevuš Kandrusievič pakidaje katalickuju katedru ŭ Maskvie i budzie pastaŭleny na čale Mienska‑Mahiloŭskaj archidyjacezii.

Jon zojmie miesca 93‑hadovaha kardynała Kazimira Śvienteka, jaki letaś adyšoŭ na pensiju. Pra heta paviedamlaje newsru.com sa spasyłkaj na italjanskuju hazetu Giornale.

Vydańnie adznačaje, što aficyjna pryznačeńnie adbudziecca pry kancy vieraśnia i stanie śviedčańniem surjoznych źmienaŭ u adnosinach pamiž Vatykanam i RPC, jakaja ciaham doŭhich hadoŭ paprakała katalikoŭ u prazelityźmie i adkryćci dyjacezij na terytoryi Rasiei.

U Biełaruś vierniecca pavažany śviatar ź ćviordymi pierakanańniami. Kaścioł uznačalić dastojnik, dla jakoha biełaruskaja mova rodnaja.

Tadevuš Kandrusievič kiravaŭ Mienskaj dyciazeijaj u 1989—1991 hh.

* * *

Tadevuš Kandrusievič naradziŭsia ŭ 1946 h. u Adelsku na Haradzienščynie. Skončyŭ Leninhradzki politechničny instytut i niekalki hadoŭ prarabiŭ inžynieram u Vilni. 31 traŭnia 1981 h., pa skančeńni Kovienskaj duchoŭnaj seminaryi, rukapakładzieny ŭ śviatary. Abaraniŭ doktarskuju dysertacyju «Samaśviadomaść Carkvy» pavodle dakumentaŭ II Vatykanskaha saboru.

Z 1988 h. žyŭ u Biełarusi. 10 traŭnia 1989 h. pryznačany Apostalskim Pasadam biskupam dla Mienskaj dyjaceii. U krasaviku 1991 h. pryznačany Apostalskim administrataram dla katalikoŭ łacinskaha abradu poŭnačy Eŭrapiejskaj častki Rasiei. U sakaviku 1999 h. vybrany Staršyniom Kanferencyi katalickich biskupaŭ Rasiei, a ŭ lutym 2002 pryznačany Papam Janam Paŭłam II mitrapalitam novastvoranych rymska-katalickich japarchij Rasiei.

Tadevuš Kandrusievič vałodaje biełaruskaj, polskaj, rasiejskaj, litoŭskaj, anhielskaj i italjanskaj movami. Aktyŭna zajmajecca sportam (bieh, futboł, chakiej, łyžy).

Клас
Панылы сорам
Ха-ха
Ого
Сумна
Абуральна