Zakony ab nacyjanalizacyi ŭ Biełarusi płanujecca prymać u kožnym kankretnym vypadku — u ich buduć prapisanyja i ŭmovy, i paradak nacyjanalizacyi. Ab hetym paviedamiŭ načalnik hałoŭnaha ŭpraŭleńnia inviestycyj Ministerstva ekanomiki Siarhiej Vajciachoŭski na bryfinhu ŭ Minsku 6 žniŭnia.

Jon udakładniŭ, što ŭ kožnym zakonie (u vypadku kali rašeńnie ab nacyjanalizacyi budzie pryniataje) asobna płanujecca taksama prapisvać acenku kampiensacyi kanfiskavanaj u inviestaraŭ majomaści.

U svaju čarhu, načalnik upraŭleńnia dziaržaŭnaj palityki pa pryciahnieńni zamiežnych inviestycyj hałoŭnaha ŭpraŭleńnia inviestycyj Minekanomiki Taćciana Mancevič vykazała sumnieńnie ŭ nieabchodnaści pryniaćcia ahulnaha zakona ab nacyjanalizacyi. Na jaje dumku, padrychtoŭka ahulnaha zakona stvaryła b «nie vielmi dobry fon».

«Uźnikli b pytańni, a navošta taki zakon raspracoŭvajecca, što my źbirajemsia nacyjanalizavać? Tamu ŭ zakonie ab inviestycyjach my dakładna prapisali harantyju, što kali takoje zdarajecca (prymajecca rašeńnie ab nacyjanalizacyi. — BiełaPAN.), to ŭ kožnym vypadku pavinien być zakanadaŭčy akt», — udakładniła pradstaŭnik Minekanomiki

Jak paviedamlałasia raniej, Mižnarodnaja finansavaja karparacyja (IFC) prapanoŭvała ŭklučyć u biełaruski zakon «Ab inviestycyjach» normy ab paradku acenki i vypłaty kampiensacyi inviestaram kanfiskavanaj majomaści. Razam z tym, hetyja prapanovy nie ŭvajšli ŭ pryniaty biełaruskim parłamientam zakon «Ab inviestycyjach», jaki nabudzie moc u studzieni 2014 hoda.

Jak patłumačyli pradstaŭniki Minekanomiki, adkazvajučy na pytańnie BiełaPAN, prapanovy IFC nie ŭvajšli ŭ pryniaty zakon, bo mahli supiarečyć mižnarodnym abaviazacielstvam Biełarusi.

«U nas zaklučana bolš čym 60 miždziaržaŭnych pahadnieńniaŭ ab abaronie inviestycyj. U kožnym takim pahadnieńni prysutničajuć roznyja farmuloŭki. Tamu kali b my ŭ zakonie „Ab inviestycyjach“ prapisali kankretnyja miechanizmy (kampiensacyi inviestaram kanfiskavanaj majomaści. — BiełaPAN.), mahli ŭźniknuć pravavyja kalizii», — paviedamiła Taćciana Mancevič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?