Zaŭsiody ličyłasia, što palapšeńniu pracazdolnaści mozhu najlepš spryjajuć łahičnyja zadačy ci hulni nakštałt šachmat. Adnak amierykanski vučony Bary Kamisaruk pryjšoŭ da vysnovy, što idealnaj razumovaj treniroŭkaj źjaŭlajecca seksualnaja razradka, arhazm.

Na dumku daśledčyka, u adroźnieńnie ad razumovych hałavałomak arhazm stymuluje nie niejkuju asobnuju vobłaść mozhu, a mozh u cełym. Tamu taki vid «mazhavoha šturmu» značna bolš efiektyŭny.

Apošnija 40 hadoŭ svajoj dziejnaści va Univiersitecie Ruthiers u Ńjuarku, (štat Ńju-Džersi, ZŠA) navukoviec pryśviaciŭ daśledavańniu ŭpłyvu seksualnaha zadavalnieńnia na čałavieka. Na dumku vučonaha, arhazm paśla seksu akazvaje značna bolš mocny ŭpłyŭ na pracu mozhu, čym hulnia ŭ šachmaty abo rašeńnie łahičnych zadač.

Jak tłumačyć Kamisaruk, heta adbyvajecca z-za taho, što arhazm vyklikaje surjoznuju aktyvizacyju krovazvarotu, u vyniku čaho mozh abmyvajecca adrazu vialikaj kolkaściu kryvi, uzbahačanaj pažyŭnymi rečyvami i kisłarodam.

Akramia taho, navukoviec vynajšaŭ i abiazbolvalny efiekt ad arhazmu. Bary Kamisaruk śćviardžaje, što arhazm zdolny prytuplać pačućcio tryvohi, emacyjnaj pryhniečanaści, błakavać bolevyja adčuvańni, a ŭ asobnych vypadkach navat pazbaŭlaje čałavieka ad peŭnych vidaŭ zaležnaści. Tamu, ličyć jon, padrabiaznaje vyvučeńnie hetaha miechanizmu mahło b znajści vyratavalnaje rašeńnie ad narkamanii i depresii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?