Jak paviedamlaje pres-słužba viedamstva, terminy zboru žuravin i bruśnic štohod ustanaŭlivajucca abłasnymi vykanaŭčymi kamitetami «ŭ metach zachavańnia, racyjanalnaha vykarystańnia resursaŭ raślinnaha śvietu, niedapuščeńnia spustašeńnia i dehradacyi jahadnikaŭ, atrymańnia śpiełaj i jakasnaj pradukcyi lesu».

Tak, zbor bruśnic u 2013 hodzie ŭ Bresckaj i Homielskaj abłaściach pačniecca 10 žniŭnia, u Mahiloŭskaj — 12 žniŭnia, u Hrodzienskaj — 15 žniŭnia, u Viciebskaj i Minskaj — 17 žniŭnia.

Žuraviny ŭ Homielskaj i Bresckaj abłaściach možna pačynać źbirać 20 žniŭnia, u Mahiloŭskaj — 25 žniŭnia, u Viciebskaj — 31 žniŭnia, u Hrodzienskaj — 10 vieraśnia, u Minskaj — 21 vieraśnia.

Jak adznačaje ministerstva, u asobnych rajonach rajonnyja vykanaŭčyja kamitety mohuć ustanaŭlivać bolš poźnija terminy pačatku zboru dzikarosłych jahad.

Minpryrody taksama nahadvaje, što, zhodna z art. 15.26 Kodeksa Respubliki Biełaruś ab administracyjnych pravaparušeńniach, parušeńnie ŭstanoŭlenych terminaŭ, prymianieńnie zabaronienych srodkaŭ abo mietadaŭ zboru abo narychtoŭki hryboŭ, inšych dzikarosłych raślin abo ich častak abo inšnaje parušeńnie praviłaŭ zboru abo narychtoŭki ciahnuć na hramadzianina papiaredžańnie abo nakładańnie štrafu ŭ pamiery da 20 bazavych vieličyń, na indyvidualnaha pradprymalnika — da 100 b.v., na jurydyčnuju asobu — da 50 b.v.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?