Viadučyja minskija VNU abnarodavali novyja ceny na płatnaje navučańnie ŭ 2013/2014 navučalnym hodzie. Nahadajem, raniej Ministerstva adukacyi paviedamiła, što płata na navučańnie ŭ VNU z 1 vieraśnia budzie pavyšana nie bolš čym na 20%.

Tak, u Biełaruskim dziaržaŭnym univiersitecie košt navučańnia składzie ad 12 młn. 840 tys. da 17 młn. 940 tys. rubloŭ za hod na dzionnym adździaleńni i 5 młn. 940 tys. — na zavočnym.

U Biełaruskim dziaržaŭnym piedahahičnym univiersitecie imia Maksima Tanka navučańnie na dzionnym adździaleńni budzie kaštavać pieršakurśnikam ad 11 młn. 370 tys. da 12 młn. rubloŭ, na zavočnym — ad 4,6 da 5,6 młn. rubloŭ.

Košt navučańnia ŭ Biełaruskim dziaržaŭnym ekanamičnym univiersitecie na dzionnym adździaleńni składzie ad 14,2 da 14,5 młn. rubloŭ, na zavočnym — 4,75 młn. rubloŭ.

U Biełaruskim dziaržaŭnym miedycynskim univiersitecie cana navučańnia dla pierškurśnikaŭ składzie ad 15 młn. da 19 młn. 150 tys. rubloŭ za hod.

U Akademii kiravańnia pry prezidencie Biełarusi navučańnie na dzionnym adździaleńni budzie kaštavać pieršakurśnikam 15 młn. 320 tys. rubloŭ, na zavočnym — ad 7 młn. 160 tys. da 7 młn. 350 tys. rubloŭ.

Biełaruski nacyjanalny techničny ŭniviersitet paviedamlaje, što košt navučańnia na dzionnym adździaleńni dla pieršakurśnikaŭ składzie ad 13 młn. 335 tys. da 15 młn. 360 tys. rubloŭ, na zavočnym — ad 5,7 da 6,3 młn. rubloŭ.

U Biełaruskim dziaržaŭnym univiersitecie infarmatyki i radyjoelektroniki navučańnie budzie kaštavać ad 14 młn. 605 tys. da 16 młn. 905 tys. rubloŭ na dzionnym adździaleńni, 5,4 młn. rubloŭ — na zavočnym.

U Minskim dziaržaŭnym linhvistyčnym univiersitecie za hod navučańnia na dzionnym adździaleńni pieršakurśnikam daviadziecca zapłacić 13 młn. 970 tys. rubloŭ, na zavočnym — 4 młn. 530 tys. rubloŭ.

U Biełaruskaj dziaržaŭnaj akademii mastactvaŭ zajavili, što košt navučańnia ŭ VNU sioleta nie źmianiŭsia i składaje ad 11 da 16,5 młn. rubloŭ na dzionnym adździaleńni i ad 4 młn. 150 tys. da 6 młn. 460 tys. rubloŭ — na zavočnym.

U pryvatnych VNU novyja ceny na navučańnie krychu nižejšyja.
U Instytucie parłamientaryzmu i pradprymalnictva navučańnie na dzionnym adździaleńni budzie kaštavać 10 młn. rubloŭ, na zavočnym — 4 młn. 250 tys. rubloŭ, u "BIP — Instytut pravaznaŭstva": dzionnaje adździaleńnie — ad 10,8 da 14,3 młn. rubloŭ, zavočnaje — ad 5,2 da 5,8 młn. rubloŭ, u Instytucie sučasnych viedaŭ imia A.M.Šyrokava: dzionnaje — ad 13,8 da 16,2 młn. rubloŭ, zavočnaje — ad 6,2 da 7 młn. rubloŭ.

U 2012/2013 navučalnym hodzie košt navučańnia na płatnych adździaleńniach nie mianiaŭsia. U 2011/2012 navučalnym hodzie navučańnie ŭ vyšejšych i siarednich śpiecyjalnych ustanovach daražeła čatyry razy: 1 vieraśnia 2011 hoda — prykładna na 20%, u kastryčniku—listapadzie — na 25%, 1 lutaha 2012 hoda — na 29%, 1 červienia — na 5%.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?