Pomnik Tysiačahodździe Rasiei

Na pomniku «Tysiačahodździe Rasiei» ŭ Noŭharadzie nad fihurami rasiejskich aśvietnikaŭ restaŭratary znajšli adlity ŭ bronzie niecenzurny nadpis.

Pa ŭsich prykmietach, nadpis byŭ zrobleny padčas stvareńnia manumenta ŭ siaredzinie 19‑ha st.

Pradstaŭniki administracyi Naŭharodzkaha dziaržaŭnaha muzeju‑zapaviednika nie afišavali niečakanuju znachodku. Pavodle słovaŭ adnaho z muzejnych supracoŭnikaŭ, aharodža nie dazvalaje padyjści blizka da pomnika, a nadpis taki mały, što jaho ciažka razhledzieć bieź binoklu.

Chutčej za ŭsio, 145‑hadovyja maciuki zastanucca na hałoŭnym naŭharodskim manumencie nazaŭsiody.

«Likvidavać nadpis, kaniešnie, možna i, mabyć, technična prosta, ale naŭrad ci heta tak nieabchodna», — skazaŭ supracoŭnik muzeju.

Pomnik «Tysiačahodździe Rasiei», zrobleny pa prajekcie uradženca etnahrafičnych biełaruskich ziemlaŭ Michaiła Mikiešyna, byŭ adkryty ŭ Naŭharodzkim kramli 8 vieraśnia 1862 h. padčas śviatkavańnia 1000‑hodździa Rusi. Udzielnikami śviata ŭ staražytnym horadzie stała amal usia imperatarskaja siamja.

Vyšynia manumentu z vyjavami histaryčnych dziejačoŭ pieršaha tysiačahodździa Rasiei, z kryžom i fihuraj anioła ŭviersie, — kala 16 metraŭ, dyjametar— kala 9 mietraŭ, vaha — 65,5 ton.

Jarasłaŭ Ściešyk, pavodle rian.ru

Клас
Панылы сорам
Ха-ха
Ого
Сумна
Абуральна