Pieršuju ŭ Biełarusi mahutnuju soniečnuju elektrastancyju płanujuć pabudavać u Smarhoni, paviedamili ŭ kamitecie ekanomiki Hrodzienskaha abłvykankama.
Inviestycyjny prajekt «Budaŭnictva i techničnaje absłuhoŭvańnie elektrastancyj, jakija pracujuć z vykarystańniem adnaŭlalnych krynic enierhii (sonca)» na terytoryi Smarhonskaha rajona maje namier realizavać TAA «Ekałahičnaja enierhija», zarehistravanaje ŭ lipieni ŭ Smarhonskim rajvykankamie.Inviestycyjnuju prapanovu ŭchvaliŭ Hrodzienski abłvykankam.
Pradpryjemstva maje namier pabudavać elektrastancyju ahulnaj sumarnaj mahutnaściu nie mienš jak 17 MVt. Dla raźmiaščeńnia vialikaj kolkaści soniečnych batarej addajuć pustku na 36,8 ha ŭ pramysłovaj zonie na ŭschodniaj uskrainie Smarhoni.
Inviestar płanuje ŭkłaści ŭ prajekt kala Br375 młrd. Budzie stvorana da 50 novych pracoŭnych miescaŭ.
Zaviaršyć pieršuju čarhu budaŭnictva i zabiaśpiečyć atrymańnie 5 MVt enierhii płanujecca da červienia 2015 hoda. Druhaja čarha (jašče 6 MVt) maje być uviedzienaja ŭ ekspłuatacyju ŭ śniežni 2016 hoda. Raźmiaścić batarei mahutnaściu jašče ŭ 6 MVt i zaviaršyć prajekt płanujecca da lipienia 2018 hoda.
