Nasielnictva Biełarusi ŭ lipieni praciahvała zastavacca čystym pakupnikom zamiežnaj valuty, pry hetym abjomy nabytaj valuty ŭ paraŭnańni z červieniem značna vyraśli.

Jurydyčnyja asoby-rezidenty i nierezidenty ŭ lipieni taksama nabyli valuty bolš, čym realizavali. Pra heta śviedčać statystyčnyja dadzienyja Nacyjanalnaha banka.

Fizičnyja asoby za lipień pradali najaŭnaj i bieznajaŭnaj valuty na $685,4 młn. (za červień $619,1 młn.) u ekvivalencie, nabyli — $ 1 młrd 306,9 młn. ($ 884,2 młn.). Takim čynam, čystaja kupla zamiežnaj valuty skłała $621,5 młn. (u červieni — $ 265,1 młn.).

Da červienia, pačynajučy ź lutaha, fizičnyja asoby pradavali valuty bolš, čym kuplali. Źmianieńnie tendencyi letam ekśpierty tłumačać u tym liku siezonam adpačynkaŭ, a taksama pierakładam rublovych układaŭ u valutnyja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?