Ustojlivuju cikavaść da błohaŭ u Biełarusi vykazvajuć nie bolš jak 10% moładzi. Pra heta śviedčać vyniki sacyjałahičnaha daśledavańnia Infarmacyjna-analityčnaha centra pry Administracyi prezidenta Biełarusi, danyja jakoha pryvioŭ namieśnik dyrektara IAC Alaksiej Macaviła padčas anłajn-kanfierencyi na sajcie BiełTA «Sacsietki: karysna ci škodna?».

Pavodle jaho słoŭ, siarod minskich studentaŭ cikavaść da błohaŭ niekalki vyšejšaja, ale «ahulnaja aŭdytoryja błohieraŭ nie pieravyšaje 30%». Na dumku śpiecyjalista, ciapier błohierstva ŭ Biełarusi «skurčvajecca» i «stanovicca mienš prykmietnaj źjavaj».

«Błohierstva źjaviłasia ŭ toj pieryjad historyi internetu, kali jaho karystalnikami hałoŭnym čynam była intelihiencyja. Adhetul i prychilnaść pieršych błohieraŭ da doŭhich tekstaŭ. I tady heta było normaj. Ale kali internet staŭ pa-sapraŭdnamu masavym, jaho novyja nasielniki prynieśli z saboj svaje maŭlenčyja praktyki z realnaha žyćcia, i ŭžo karotkija paviedamleńni pačali ŭsprymacca jak norma ŭ sietkavych znosinach», — skazaŭ Macaviła.

Pradstaŭnik IAC taksama pryvioŭ danyja niadaŭniaha apytańnia Usierasijskaha centra vyvučeńnia hramadskaj dumki (VCIOM), pavodle jakich błohi viaduć 11% rasijskich respandentaŭ, čytajuć — 33%.
«Na moj pohlad, heta ŭsio jašče spadčyna pačatku nulavych hadoŭ, jakaja pastupova budzie źnikać. Ciapier moładź mihruje ŭ novyja sacyjalnyja sietki ź ich karotkimi tekstami, videa, muzykaj i znajomstvami, — havoryć Macaviła. — Tamu dla kožnaha błohiera siońnia jość vybar: jon moža praciahvać pisać doŭhija razumnyja teksty — i jaho błoh budzie zapatrabavany, ale tolki toj nievialikaj častkaj internet-aŭdytoryi, jakaja zacikaŭlena ŭ hetym intelektualnym pradukcie. Inšy šlach — stvarać karotkija vostryja teksty, prydumlać dematyvatary, vykarystoŭvać farmat videabłohu. Tady ŭ błohiera vyrastajuć šansy na papularnaść».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?