«Minsk — zialony horad»
Karotkaja infarmacyja pra prajekt:

Padrychtoŭka i vydańnie numara"Tekstaŭ», pryśviečanaha prablemie transfarmacyi haradskoj prastory. U jakaści abjektu dla interpretacyi vystupaje prastora horada Minska ŭ jaho siońniašnim vyhladzie.

Abhruntavańnie prajekta:

Siońnia transfarmacyja haradskoj prastory adbyvajecca biez uliku patrabavańniaŭ i mierkavańniaŭ miascovych žycharoŭ. Chvala stychijnych pratestaŭ suprać dadatkovaj ščylnaj zabudovy prakaciłasia pa Biełarusi. Raźvićcio Mienska ažyćciaŭlajecca na karyść kamiercyjnych zabudoŭščykaŭ, a nie žycharoŭ. Raźvićcio horada taksama nie ŭličvaje hłabalny kantekst, u jakim nieabchodnaść pošuka stratehii ustojlivaha raźvićcia stanovicca ŭsio bolš aktualnaj zadačaj. Jość šmat prykładaŭ taho, jak i ŭ jakim nakirunku moža transfarmavacca prastora post-savieckaha horadu. Na žal, płany raźvićcia Minska hruntujucca na raźvićci horada na karyść aŭtamabilaŭ i hramadstva spažyvańnia.

Dadzieny prajekt moža dazvolić inakš zirnuć na raźvićcio Minska. Jak i što nieabchodna źmianić u horadzie, kab jon staŭ bolš zručnym? Jak zrabić jaho bolš kamfortnym dla žycharoŭ? Jak mahčyma zrabić jaho bolš zialonym (nie tolki ŭ litaralnym sensie pavialičyŭšy płoščy zialonych nasadžeńniaŭ, ale «zialonym» u šyrokim sensie).
Numar «Tekstaŭ» budzie nadrukavany ŭ supracoŭnictvie z knižnaj sieryjaj «Zialonaja litara».
Čakajem prozu, paeziju, pjesy, artykuły! Materyjały možna dasyłać da 15 vieraśnia 2013 na adras [email protected], paznačyŭšy temaj lista «Zialony horad». U liście musić być infarmacyja pra ŭdzielnika prajekta: imia, proźvišča, kantaktny numar telefona, e-mail.
Клас
Панылы сорам
Ха-ха
Ого
Сумна
Абуральна