Były kandydat na pasadu prezydenta Aleś Michalevič, jaki atrymaŭ palityčny prytułak u Čechii, zaznačyŭ, što palitykaj bolš nie zajmajecca i budzie ŭładkoŭvacca ŭ biznesie.

Alaksiej Michalevič paviedamiŭ u interviju BDH, što bližejšym časam jon nia zmoža ŭźjadnacca ź siamjoju, jakaja zastajecca ŭ Miensku:

«Hety i nastupny navučalny hod žonka nia zmoža da mianie pierajechać. Jana, u pryvatnaści, dapamahaje ŭ Miensku dahladać babulu, jakoj užo 103 hady. Akramia taho, u nas maleńkija dzieci, ź jakimi ciažka pierajaždžać».

Pavodle Michaleviča, u adnosinach da jahonaj žonki Miłany nijakich represijaŭ ciapier niama. Sam ža jon šukaje sferu dziejnaści, jakoj moh by zaniacca za miažoju:

«Ciapier ja ŭ pošuku taho, čym ja b chacieŭ zajmacca. Dumaju, maja dziejnaść budzie źviazanaja ź biznesam.
Ja raźličvaju vykarystoŭvać dla hetaha svajo viedańnie moŭ — ja vałodaju polskaj, českaj, niamieckaj, anhielskaj, ukrainskaj, zrazumieła, biełaruskaj i rasiejskaj. Heta moža być cikava dla mnohich firmaŭ, jakija pracujuć va ŭsim uschodnieeŭrapiejskim rehijonie».

Michalevič kaža, što z novaj biełaruskaj emihracyjaj u jaho skłalisia dobryja adnosiny, ale jon nie chacieŭ by zajmacca ŭ čystym vyhladzie dyjasparnaj pracaj, z palitykami jon taksama niačasta sustrakajecca: «Na siońniašni dzień niejkaj palityčnaj pracaj u čystym vyhladzie ja nie zajmajusia. Raniej ja aktyŭna pracavaŭ sa specdakładčykam AAN pa katavańniach. Mnie važna, kab biełaruskija palitviaźni vyjšli na volu i kab u biełaruskich turmach nie ŭžyvalisia katavańni i žorstkaje abychodžańnie».

Pra svaje palityčnyja plany Aleś Michalevič skazaŭ: «Niemahčyma być palitykam u emihracyi. Ci, tak skažam, vielmi składana być palitykam u emihracyi. Ja heta vydatna razumieju i nie pretenduju na toje, kab, budučy ŭ emihracyi, zastavacca klučavoj palityčnaj fihuraj.
Zrazumieła, što bolšaść biełaruskich hramadzian usprymaje mianie tak: maŭlaŭ, jamu ŭdałosia źjechać, jon siadzić u Prazie, pje českaje piva, u jaho ŭsio dobra. A my tut zmahajemsia, z nas ździekujucca. Tamu pakul kankretnych palityčnych planaŭ niama.
Viartajučysia da padziejaŭ 2010 hodu, Aleś Michalevič kaža, što dahetul nie razumieje, čamu ŭłady pajšli na taki razhrom apazycyi: «Ja ŭ hetym nijakaj lohiki nie mahu ŭłavić. I kali niechta kaža, što jon viedaŭ, što tak usio adbudziecca, to jamu nia varta vieryć.
Dumaju, u dadzienym vypadku ŭsio zaležała ad psychiki adnaho čałavieka, i jak hety čałaviek u toj ci inšy momant učyniŭ — tak usio i było. Ja sam nie razumieŭ, čamu i mnie, i inšym kandydatam dazvalajuć hetak šmat rabić. Adzinaje, čaho mnie nie dazvolili, — heta vieści ahitacyju ŭ vajskovych častkach, u klučavych vajskovych bryhadach. Navat u milicyi prychod u adździaleńnie zakančvaŭsia tym, što ja spakojna mieŭ znosiny ź milicyjantami. Heta značyć, razhuł demakratyi byŭ na vielmi-vielmi vysokim uzroŭni. Adnak usio skončyłasia nastolki biazdarna, byli stračanyja ŭsie šancy dla raźvićcia dyjalohu z Zachadam. Usio było puščana katu pad chvost. Ja nie mahu zrazumieć, čamu zachaciełasia ŭładzie zrabić mienavita tak».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?