Archiŭnaje fota.

Archiŭnaje fota.

Prezydent ZŠA Barak Abama nia budzie sustrakacca z rasiejskim prezydentam Uładzimiram Pucinym u Maskvie. Pra heta paviedamlajuć zachodnija ahienctvy sa spasyłkaj na Bieły dom.

Takaja źmiena planaŭ amerykanskaha lidera vyklikanaja – jak pišuć ahladalniki – pa-pieršaje, rašeńniem Rasiei dać prytułak Edvardu Snoŭdenu, abvinavačanamu ŭ ZŠA ŭ špijanažy, pa-druhoje, rostam rasčaravańnia Złučanych Štataŭ niekatorymi krokami Rasiei – u pryvatnaści, u halinie PRA i pravoŭ čałavieka.

Bieły dom pry hetym paćvierdziŭ, što Abama nie admaŭlajecca ad udziełu ŭ samicie «dvaccatki», jaki adbudziecca ŭ Pieciarburhu ŭ pačatku vieraśnia.

Napiaredadni ŭ efiry telekanała NBC Abama zajaviŭ, što ŭ apošni čas Rasieja časam skočvajecca da mentalitetu peryjadu chałodnaj vajny, chacia pry hetym dvuchbakovaje supracoŭnictva ŭ šerahu sferaŭ praciahvajecca. Abama taksama vykazaŭ nadzieju na toje, što na Alimpijskich hulniach u Sočy nia buduć parušacca pravy ŁHBT-supolnaści, i padkreśliŭ, što ni ZŠA, ni inšyja ŭdzielniki hulniaŭ nia ścierpiać takich parušeńniaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?