440 pieršakurśnikam VNU prapanavali vučycca na biełaruskaj movie. Jak paviedamili ŭ mieduniviersitecie, baćki i abituryjenty masava nie padtrymali inicyjatyvu kiraŭnictva, piša euroradio.by. Pakul tolki šaściora studentaŭ dali zhodu na biełaruskamoŭnaje navučańnie.
Ci źjavicca ŭ univiersitecie pieršaja biełaruskamoŭnaja hrupa, budzie viadoma ŭ kancy žniŭnia. Navučańnie na biełaruskaj movie ŭviaduć pry ŭmovie, što na adnoj śpiecyjalnaści peŭnaha fakulteta nabiarecca nie mienš za 8-10 čałaviek. Z-za roźnicy ŭ prahramach navučańnia ŭniviersitet nie zmoža abjadnać u hrupy mienšuju kolkaść žadajučych.
U zvyčajnuju ruskamoŭnuju hrupu ŭvachodzić kala 14-16 studentaŭ. Na siońniašni dzień u Hrodzienskim univiersitecie vykładańnie viadziecca na ruskaj i anhlijskaj movach. Biełaruskaja mova moža stać treciaj movaj, na jakoj zmohuć vučycca studenty miedycynskaj VNU.
