U šerahu biełaruskich VNU sioleta nazirajecca niedabor abituryjentaŭ na płatnaje adździaleńnie dzionnaj formy navučańnia.
Biełaruski dziaržaŭny ŭniviersitet paviedamiŭ, što sioleta na dzionnaje płatnaje adździaleńnie pryniata 2.125 čałaviek, chacia pieršapačatkova płanavałasia pryniać 2.513 abituryjentaŭ. Płan pryjomu na biudžetnaje adździaleńnie ŭ VNU sioleta składaŭ 2.075 čałaviek, zaličany — 2.072.
U Biełaruskim dziaržaŭnym univiersitecie infarmatyki i radyjoelektroniki płan pryjomu abituryjentaŭ na dzionnaje biudžetnaje adździaleńnie vykanany — zaličana 1.100 abituryjentaŭ. Na płatnaje adździaleńnie VNU płanavała pryniać 1.000 čałaviek, zaličana 907.
Płan pryjomu ŭ Biełaruski nacyjanalny techničny ŭniviersitet składaŭ 2.511 čałaviek na biudžet, 1.912 — na płatnaje adździaleńnie. U vyniku na biudžetnaje adździaleńnie zaličana 2.425 abituryjentaŭ, na płatnaje — 926.
U Biełaruskim dziaržaŭnym piedahahičnym univiersitecie imia Maksima Tanka płanavałasia nabrać 885 abituryjentaŭ na biudžetnaje adździaleńnie, 1.010 — na płatnaje. U vyniku ŭ VNU zaličana 749 čałaviek na biudžetnaje adździaleńnie, 496 — na płatnaje.
U Instytucie kiraŭnickich kadraŭ Akademii kiravańnia pry prezidencie Biełarusi vykanany płan pa nabory abituryjentaŭ na dzionnaje biudžetnaje adździaleńnie — 140 čałaviek. Taksama ŭ VNU płanavałasia pryniać 130 płatnikaŭ, zaličana — 118.
