Prezydent Biełarusi A. Łukašenka 7 vieraśnia padpisaŭ ukaz №413 «Ab udaskanaleńni systemy ŭliku hramadzianaŭ pa miescy žycharstva i miescy pierabyvańnia».

Zhodna z ukazam "u metach zabieśpiačeńnia nieabchodnych umovaŭ dla realizacyi hramadzianami svaich apravoŭ na svabodu pieramiaščeńnia i vybar miesca žycharstva, praduhledžanych art. 30 Kanstytucyi, z 1 studzienia 2008 h. skasoŭvajecca instytut prapiski".

Uvodzicca adziny na ŭsioj terytoryi našaj krainy paradak rehistracyi hramadzian Respubliki Biełaruś, a taksama zamiežnych hramadzian i asobaŭ biez hramadzianstva, jakija ŭvieś čas praživajuć u Respublicy Biełaruś, pa miescy žycharstva i miescy pierabyvańnia;

pravy i abaviazki, jakija ŭźnikajuć u hramadzianina ŭ suviazi z pastojannaj ci časovaj prapiskaj, zachoŭvajucca, pierarehistracyja pa miescy žycharstva ci miescy pierabyvańnia nie praduhledžvajecca;

rehistracyja po miescy žycharstva (pastajannaha) źjaŭlajecca abaviazkam hramadzianaŭ, a rehistracyja pa miescy pierabyvańnia (časovaha) – pravam (za vyklučeńniem, u pryvatnaści, hramadzianaŭ, što prybyli ź inšaha nasielenahapunktu dla navučańnia va ŭstanovach adukacyi, navukovych arhanizacyjach, jakija abaviazanyja zarehistravaca na čas navučańnia);

Va Ŭkazie vyznačany nastupny paradak rehistracyi hramadzianaŭ.

Hramadzianin dla rehistracyi po miescy žycharstva ci miescy pierabyvańnia pavinien źviarnucca da asoby, adkaznaj za rehistracyju (naprykład, kiraŭniku ŽESu ci upaŭnavažanaj im asoby), dva razy: kab padać dakumenty, nieabchodnyja dla rehistracyi, i kab atrymać pašpart z štampam ab rehistracyi pa miescy žycharstva ci paśviedčańnie ab rehistracyi pa miescy pierabyvańnia.

Orhanam rehistracyi źjaŭlajecca orhan unutranych spravaŭ, kudy asoba, adkaznaja za rehistracyju nakiroŭvaje dakumenty , nieabchodnyja dla rehistracyi hramadzianaŭ pa miescy žycharstva ci miescy pierabyvańnia.

Skasoŭvajecca abaviazak hramadzianina zdymacca z rehistracyjnaha ŭliku pierad vybyćciom na druhoje miesca žycharstva (jak heta maje miesca pry systemie prapiski-vypiski). Zhodna z Ukazam, orhan rehistracyi (orhan unutranych spraŭ) pa novym miescy žycharstva hramadzianina abaviazany paviedamić pra jaho rehistracyju orhanu rehistracyi pa raniejšym miescy žycharstva, jaki pavodle hetaha paviedamleńnia samastojna zdymaje hramadzianina z rehistracyjnaha ŭliku.

Źniaćcio vajskovaabaviazanych (pryzyŭnikoŭ) z vajennaha ŭliku ažyćciaŭlajecca biez zvarotu takich hramadzian u vajskovyja kamisaryjaty.

U riehistracyi budzie admaŭlacca, kali ŭ žyłym pamiaškańni paśla rehistracyi hramadzianina zabiaśpiečanaść ahulnaj płoščaj takoha žyłoha pamiaškańnia stanie mieniej 15 kv. m na adnaho čałavieka (u h.Miensku – mienš za 20 kv. m), a zabiaśpiečanaść žyłpłoščaj u internacie – mienš za 6 kv. m na čałavieka). Hetyja abmiežavańni nie raspaŭsiudžvajucca na rehistracyju hramadzianaŭ pa miescy žycharstva ci pierabyvańnia ich blizkich svajakoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?