Va Uruččy adkryŭsia hipiermarkiet «Karona» 7

U staličnym rajonie Uručča 8 žniŭnia adkryŭsia hipiermarkiet «Karona».

Jon znachodzicca na skryžavańni MKAD i praśpiekta Niezaležnaści, niedaloku ad navučalnaha korpusa BNTU. Adras — Niezaležnaści, 154. Na hramadskim transparcie siudy nie dajedzieš, tolki kali viartacca z pakietami ŭ mietro "Barysaŭski trakt".

Mahaziny tut tradycyjnyja — praduktovaja krama z adździełam niecharčovych tavaraŭ, «Karona-Techna», kafe «Amsterdam», restaran «Pit-Stop», pradstaŭnictvy mabilnych apierataraŭ…

Krama budzie pracavać ad 9 da 23 hadzin, a «Karona-Techna» — ad 9 da 22 hadzin.

Dla Uručča heta pieršy hipiermarkiet.

Ni «Hipa» na vulicy Haradzieckaj, ni «Bi-Mart» na MKAD, jaki niadaŭna kančatkova zakryŭsia, pad biełaruskaje aznačeńnie «hipiermarkieta» nie traplali.

• * *

Sietka hipiermarkietaŭ «Karona» uklučaje ŭ siabie šeść kram. Try ź ich znachodziacca ŭ stalicy (kala stancyi mietro «Frunzienskaja», kala Pałaca niezaležnaści i va Uruččy), pa adnoj u Babrujsku, Breście i Viciebsku.

Ułaśniki — Pavieł Tapuzidzis i Viktar Piatrovič.

Dola abarotu sietki ŭ roźničnym handli krainy składaje kala 2,3%.

JAM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH