U Vilejcy źjaviłasia niezvyčajnaja skulptura pamiaci znakamitaha avanhardysta Streminskaha 3

Skulpturnuju kampazicyju ŭstalavali na hazonie kala kinateatra «Mir», praz darohu ad haradskoj haścinicy,

paviedamlaje Kraj.by.

Skulptura ŭ Vilejcy.

Skulptura ŭ Vilejcy.

Uładzisłaŭ Streminski. Biespracoŭnyja.

Uładzisłaŭ Streminski. Łodź. Piejzaž.

Uładzisłaŭ Streminski. Sonca ŭ zapluščanych vačach.

Jak patłumačyła navukovy supracoŭnik Vilejskaha krajaznaŭčaha muzieja Nadzieja Aŭdziej, hetaja skulpturnaja kampazicyja była vykananaja studentami Biełaruskaj dziaržaŭnaj akademii mastactvaŭ padčas pleneru, jaki prachodziŭ u horadzie z 15 pa 30 maja.

Nad skulpturaj, pryśviečanaj tvorčaści mastaka-avanhardysta Uładzisłava Streminskaha, pracavali Fiodar Saratcaŭ i Stanisłaŭ Šaškoŭ.

Uładzisłaŭ Streminski naradziŭsia ŭ Minsku ŭ 1893 h.

Vučyŭsia ŭ Vajenna-inžyniernym vučyliščy ŭ Pieciarburhu. Byŭ na froncie, skul viarnuŭsia invalidam. Paśla Kastryčnickaj revalucyi kiravaŭ adździełam mastactva ŭ Narodnym kamisaryjacie aśviety RSFSR, žyŭ u Minsku, Babrujsku. U 1922 h. razam z žonkaj pierabraŭsia na terytoryju Polščy, niekatory čas žyŭ u Vilni, zatym u Varšavie.

U 1939 h., paśla prychodu savietaŭ, žyŭ u Vilejcy. Potym viarnuŭsia u Varšavu. Pachavany na Starych mohiłkach ŭ Łodzi. Aŭtar idei ŭnizmu jak dalejšaha raźvićcia suprematyzmu Maleviča.

Uładzisłaŭ Streminski. Sonca ŭ zapluščanych vačach