Papa rymski Francysk vydaŭ ukaz ab uzmacnieńni nahladu za finansavymi apieracyjami Banka Vatykana. Va ŭkazie havorycca, što hetaja miera nakiravana na ŭzmacnieńnie baraćby z karupcyjaj i admyvańniem hrošaj, a taksama na praduchileńnie finansavańnia teraryzmu.
U červieni kiraŭnik Rymska-katalickaj carkvy zasnavaŭ kamisiju pa praviercy dziejnaści Banka Vatykana, jaki aficyjna nazyvajecca Instytutam relihijnych daśledavańniaŭ.
U adras hetaj arhanizacyi, jakaja źjaŭlajecca adnym z samych niepubličnych bankaŭ śvietu, vykazvalisia abvinavačvańni ŭ karupcyi i nieefiektyŭnaj pracy. U minułym miesiacy Vatykan zamaroziŭ rachunki adnaho vysokapastaŭlenaha śviatara, jakoha zapadozryli ŭ datyčnaści da admyvańnia hrošaj.