Zami Šrajbier, uładalnik i šef-povar najstarejšaha izrailskaha restarana, jaki śpiecyjalizujecca na ŭschodniejeŭrapiejskaj habrejskaj kuchni, daść majstar-kłasy ŭ Biełarusi, paviedamlaje pasolstva Izraila ŭ našaj krainie.
Izrailski šef-povar upieršyniu prymie ŭdzieł u fiestyvali «Motalskija prysmaki-2013». Šrajbier praviadzie ŭ Motali majstar-kłas «Uschodniejeŭrapiejskija harejskija kulinarnyja tradycyi ŭ sučasnaj izrailskaj kuchni», paśla čaho pryjedzie ŭ Minsk, kab pravieści admysłovy kulinarny majstar-kłas dla harejskaj moładzi ŭ Izrailskim kulturnym centry pry pasolstvie Izraila ŭ Biełarusi.
Vioska Motal Ivanaŭskaha rajona Bresckaj vobłaści słavicca vielmi bahataj i cikavaj historyjaj, u tym liku i habrejskaj. Tut da žniŭnia 1941 hoda pražyvała niamała habrejaŭ, tut znachodzicca dom, dzie naradziŭsia i pravioŭ svajo dziacinstva pieršy prezident Izraila Chaim Viejcman, u 2004 hodzie ŭ Motali adnavili habrejskija mohiłki ... Całkam naturalna, što arhanizatary i ŭdzielniki fiestyvalu «Motalskija prysmaki» cikaviacca tradycyjnaj harejskaj kuchni, stravy jakoj niekali hatavali ŭ hetych krajach.
