Minekanomiki pakul nie praličvała nastupstvy situacyi z padzieńniem ekspartu kalijnych uhnajeńniaŭ

«My spadziajemsia, što situacyja nie paŭpłyvaje istotnym čynam na padzieńnie ekspartu chłorkaliju. Što budzie dalej, ciažka skazać. My pakul nie praličvali z punktu hledžańnia taho, jak jana moža adbicca», — pryznaŭsia na pres-kanfierencyi 8 žniŭnia ŭ Minsku namieśnik ministra ekanomiki Alaksandr Jarašenka. Takim čynam jon adkazaŭ na pytańnie, jak paŭpłyvaje niadaŭniaje rašeńnie «Urałkalija» spynić ekspartnyja pastaŭki praź Biełaruskuju kalijnuju kampaniju.

Pavodle słoŭ Jarašenki, «situacyja z kalijem, pavodle papiarednich źviestak statystyki, pakazvaje, što ŭ pieršym paŭhodździ adnosna źniešniaha handlu spracavali horš». «Hetaja situacyja adbyłasia z-za cenavaha faktara. U ab`iomach prodaž my pavialičyli, ale z ulikam źnižeńnia cen na suśvietnym rynku my źnizili salda na 208 młn. dołaraŭ», — adznačyŭ jon.

Nahadajem, 29 lipienia saviet dyrektaraŭ rasijskaha AAT «Urałkalij» pryniaŭ rašeńnie spynić ekspart kalijnych uhnajeńniaŭ praz ZAT «Biełaruskaja kalijnaja kampanija» (BKK), adnym z akcyjanieraŭ jakoj ź`iaŭlajecca «Biełaruśkalij». Adzinym kanałam ekspartnaha zbytu pradukcyi stanie kampanija «Urałkalij-Trejdynh».

U adkaz «Biełaruśkalij» zajaviŭ, što nieŭzabavie zaćvierdzić novuju stratehiju prodažu ŭ suviazi sa źmienienymi ŭmovami na kalijnym rynku. U biełaruskaj kampanii śćviardžajuć, što nieadnarazova prapanoŭvali akcyjanieram ZAT «BKK» pieranakiravać svaje tavarnyja patoki praz adnakanalnuju sistemu biełaruskaj trejdarnaj kampanii. Adnak AAT «Urałkalij» adchilała prapanovu kampanii i ŭ vyniku pryniało rašeńnie pakul naohuł nie vykarystoŭvać biełaruskaha trejdara.

0

0

0

0

0

0

Videa Vasila Siamaški, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH