Inflacyja z pačatku hoda skłała 8% 1

Indeks spažyvieckich cen na tavary i pasłuhi (inflacyja) u lipieni 2013 hoda ŭ paraŭnańni z červieniem 2013 hoda vyras na 1%, sa śniežniem 2012 hoda — na 8%, paviedamili BiełaPAN u pres-słužbie Nacyjanalnaha statystyčnaha kamiteta.

Ceny na charčovyja tavary ŭ lipieni 2013 hoda ŭ paraŭnańni z červieniem vyraśli na 0,6%, sa śniežniem 2012 hoda — na 7,5%. Bolš za ŭsio ŭ lipieni ŭ paraŭnańni z papiarednim miesiacam padaraželi bulba — na 31%, tytuniovyja vyraby — na 15%, cukar — na 5%, čaj — na 1%. U toj ža čas nazirałasia padzieńnie cen na harodninu — na 11,3%, sadavinu — na 2,4%, alej i jajki — na 0,7%.

Ceny na niecharčovyja tavary ŭ lipieni ŭ paraŭnańni z červieniem pavialičylisia na 0,4%, sa śniežniem 2012 hoda — na 2,9%. Značna ŭ lipieni padaraželi viełasipiedy i matacykły — na 1%; na meblu ceny źnizilisia na 0,1%, abutak — na 0,3%.

Ceny i taryfy na płatnyja pasłuhi pavialičylisia za miesiac na 2,7%, u paraŭnańni sa śniežniem 2012 hoda — na 17,9%. Bolš za ŭsio ŭ lipieni padaraželi sanatorna-azdaraŭlenčyja pasłuhi — na 5,9%, pasłuhi ŽKH — na 5,1%, suviazi, pavietranaha transpartu — na 2,5%, teatraŭ i turystyčnyja pasłuhi — na 2%.

Aficyjny hadavy prahnoz inflacyi składaje 12%.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH