Śledčy kamitet pravodzić pravierku pa fakcie vybuchu nieŭstanoŭlenaj vybuchovaj pryłady kala pryvatnaha žyłoha doma ŭ Połacku,paviedamiła aficyjny pradstaŭnik upraŭleńnia Śledčaha kamiteta Respubliki Biełaruś pa Viciebskaj vobłaści Ina Harbačova.
Pavodle jaje słoŭ, na miescy pracujuć śledčyja Połackaha mižrajonnaha adździeła SK RB pa Viciebskaj vobłaści i śpiecyjalisty abłasnoha aparatu, jakija pravodziać ahlad miesca zdareńnia z metaj kanfiskacyi i fiksacyi materyjalnych śladoŭ.
Nieŭstanoŭlenaje vybuchovaje prystasavańnie vybuchnuła z vonkavaha boku adnapaviarchovaha žyłoha doma pa vuł.Bujnickaha ŭ Połacku. U vyniku zdareńnia nichto nie paciarpieŭ, u domie 10ch12 m paškodžanyja vonkavaja častka ściany, častka cahlanaha fundamienta.
0
0
0
0
0
0
