Top-5 faktaŭ pra bielhijski «Standard» — supiernika biełarusaŭ u płej-of Lihi Jeŭropy 4

U płej-of kvalifikacyi Lihi Jeŭropy FK «Minsk» sustreniecca ź bielhijskim «Standardam» z horada Ljež, 10-razovym čempijonam Bielhii. Matčy projduć 22 i 29 žniŭnia. Dla tych, kamu laniva ŭ takuju śpioku čytać Internet, «Naša Niva» prapanuje top-piać faktaŭ pra bielhijski kłub.

1. «Standard» byŭ zasnavany ŭ 1898 h. Čempijanat Bielhii, darečy, źjaŭlajecca adnym z nastarejšych u Jeŭropie (z 1895 h.). A pieršy biełaruski futbolny kłub byŭ zasnavany ŭ 1910 h.

U tyja časy ŭ Lježy isnavaŭ tolki adzin futbolny kłub, jaki nasiŭ nazvu horada — FK «Ljež». Za «Ljež» tady zaŭzieli ŭ asnoŭnym znatnyja i bahatyja. U procivahu i byŭ stvorany «Standard», nazvany na manier papularnaha tady francuzskaha «Standard de Pary».

2.

U čas Pieršaj suśvietnaj vajny kłub straciŭ 20 svaich hulcoŭ.

I paśla zakančeńnia vajny kiraŭnictva pačało stvarać novuju kamandu. Byŭ vykupleny stadyjon, sabrana novaja kamanda z novym trenieram. Ale da Druhoj suśvietnaj kłub nie zmoh damahčysia surjoznych pośpiechaŭ.

3.

Tolki praz 60 hadoŭ paśla svajho zasnavańnia «Standard» staŭ najlepšym kłubam Bielhii.

Pieršy čempijonski tytuł jon zavajavaŭ u 1958 h. A ciaham 1960-ch i 1970-ch «Standard» byŭ adnym ź lidaraŭ bielhijskaha futboła naroŭni z «Bruhie» i «Anderlechtam». Viaršyni kłub dasiahnuŭ u pačatku 1980-ch, vyjhraŭšy Kubak Bielhii ŭ 1981 h. i dvojčy zapar čempijonski tytuł u 1982 i 1983 hh.; a taksama vyjšaŭšy ŭ finał Kubka ŭładalnikaŭ kubkaŭ u 1982 h. Hety finał staŭ samym vialikim dasiahnieńniem kłuba na mižnarodnaj arenie.

4. Praź niekatory čas, u 1984 h., byŭ vyjaŭleny fakt damoŭnych matčaŭ,

u jakich było zamiašana kiraŭnictva «Standarda». Najmacniejšyja hulcy kamandy byli dyskvalifikavanyja, a kłub padvierhnuty surjoznym sankcyjam. Kala dziesiaci hadoŭ spatrebiłasia kamandzie, kab akryjać ad takoha ŭdaru, i ŭ 1993 h. kłub zaniaŭ druhoje miesca ŭ čempijanacie. Pa vynikach siezona 2007/08 kłub zaniaŭ pieršaje miesca ŭ čempijanacie, upieršyniu za 25 hadoŭ, a ŭ siezonie 2008/09 vyjhraŭ druhi čempijonski tytuł zapar. U siezonie 2012–2013 kłub finišavaŭ 4-m.

5. U 2009 hodzie bramnik «Standarda» Sinaj Bałat na apošniaj chvilinie ŭ vyrašalnym dla kłuba zaklučnym matčy hrupavoha etapu ŁČ 2009–2010 suprać AZ zabiŭ hałavoj važny miač, tym samym vyvieŭšy svaju kamandu ŭ płej-of Lihi Jeŭropy.

A za kłub ad leta zaraz vystupaje ciozka savieckaha vajenačalnika - 19-hadovy Hieorhij Žukaŭ.

Jon naradziŭsia ŭ Maskvie, ale maje kazachstanskaje pachodžańnie i bielhijski pašpart.

***

+ dadatkovy bonus.

U sioletnim rozyhryšy Lihi Jeŭropy «Standard», jak i «Minsk» startavaŭ z 2-ha raŭndu i atrymaŭ čatyry pieramohi! Pryčym pa dva razy ŭ adnolkavym likam. U 2-m raŭndzie pieramoh «Rejkjavik» — -3:1, 3:1, a ŭ 3-m raŭndzie hrecki «Ksanci» — 2:1, 2:1.

P. S. S. Čempijanat Bielhii startavaŭ dva tury tamu: «Standard» pieramoh u dvuch matčach.

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH