12.08.2013
/ 10:54 / Ałharytmičny łacinski varyjant
Navalnaha abvinavacili ŭ atrymańni finansaŭ z-za miažy
Hienprakuratura Rasii patrabuje źniać jaho z vybaraŭ.
Ułady praciahvajuć roznymi sposabami zmahacca ź lidaram novaj apazicyi ŭ Rasii — Alaksieju Navalnamu, jaki kinuŭ vyklik meru Maskvy Sabianinu na pieravybarach. Jak vyjavili sacyjołahi, pa svajoj papularnaści jon adrazu abyšoŭ kandydataŭ ad kamunistaŭ, žyrynoŭcaŭ i «Spraviadlivaj Rasii», što składajuć sistemnuju apazicyju.
Błohier Navalny staŭ papularnym dziakujučy vykryćciu faktaŭ karupcyi ŭ najbližejšym kole Pucina i kiraŭnictvie partyi «Adzinaja Rasija».
Ciapier Hienprakuratura zajaŭlaje, što Navalny parušyŭ normy zbory srodkaŭ na pieradvybarnuju kampaniju. Lidar apazicyi abvieściŭ zbor internet-hrošaj na svaju kampaniju, i jon išoŭ paśpiachova. Na rachunak było pieraličana niekalki socień tysiač dalaraŭ. Adnak prakurory vyjavili, što častka pierakazaŭ išła ad ananimnych asobaŭ, a taksama ad zamiežnych fizičnych i jurydyčnych asobaŭ. Usiaho takich płaciažoŭ było z 347 IR-adrasoŭ. Ciapier prakuratura stavić pytańnie pra admienu rehistracyi Navalnaha.
U štabie kandydata ad apazicyi atrymańnie finansavańnia z-za miežaŭ Rasii abviarhajuć.
Mikoła Buhaj
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH