Štomiesiačnyja dapłaty ŭstanaŭlivajucca maładym rabotnikam APK Biełarusi. U metach zamacavańnia maładych kadraŭ u APK Alaksandr Łukašenka 12 žniŭnia padpisaŭ ukaz numar 353 «Ab niekatorych mierach pa zabieśpiačeńniu arhanizacyj ahrapramysłovaha kompleksu kadrami».
Dakumient nakiravany na pavyšeńnie harantavanaj zarabotnaj płaty šlacham ustanaŭleńnia štomiesiačnych dapłat.
U pryvatnaści, maładym śpiecyjalistam z vyšejšaj i siaredniaj śpiecyjalnaj adukacyjaj, pryniatym na rabotu ŭ arhanizacyi APK,
na praciahu dvuch hadoŭ ich raboty ŭstanaŭlivajucca štomiesiačnyja dapłaty ŭ dvuchkratnym pamiery taryfnaj staŭki pieršaha razradu,ustanoŭlenaj uradam dla apłaty pracy rabotnikaŭ biudžetnych arhanizacyj, z adniasieńniem hetych dapłat na zatraty pa vytvorčaści i realizacyi tavaraŭ (rabot, pasłuh), što ŭličvajucca pry padatkaabkładańni.
Kiraŭnikam i śpiecyjalistam z vyšejšaj i siaredniaj śpiecyjalnaj adukacyjaj, jakija adpracavali ŭ arhanizacyjach APK dva hady pa raźmierkavańniu i jakija pradaŭžajuć pracavać u hetych arhanizacyjach na ŭmovach zaklučanych kantraktaŭ,
ustanaŭlivajucca štomiesiačnyja dapłaty na praciahu nastupnych troch hadoŭ u trochkratnym pamiery taryfnaj staŭki pieršaha razradu za košt srodkaŭ respublikanskaha biudžetu,praduhledžanych na raźvićcio sielskahaspadarčaj vytvorčaści, rybavodstva i pierapracoŭki sielskahaspadarčaj pradukcyi.
Hetyja miery dajuć mahčymaść zabiaśpiečyć harantavanuju zarabotnuju płatu maładych rabotnikaŭ APK na ŭzroŭni siaredniaj zarabotnaj płaty pa haspadarcy.
Ukaz ustupaje ŭ siłu paśla jaho aficyjnaha apublikavańnia.
