Siońnia ŭ Stakholmie adbyłosia pasiadžeńnie suda ŭ spravie biełaruskaj emihrantki Volhi Kłaskoŭskaj. Na sudzie było ahučanaje zaklučeńnie psichijatryčnaj ekśpiertyzy, pavodle jakoj jana była pryznanaja dziejazdolnaj.
Prysud budzie ahučany 23 žniŭnia. Prakuror zapatrabavała dla Volhi Kłaskoŭskaj 8 hadoŭ turmy.
Julija Łapicki, jakaja prysutničaje na sudzie, kaža: «Vyrak budzie abvieščany 23 žniŭnia ab
Kali jana budzie pryznanaja vinavataj, jaje prysudziać da turmy, a nie da lačeńnia.
Prakuror pakinuła raniejšaje patrabavańnie — 8 hadoŭ turmy i kampiensacyja ŭ 100 tysiač kron — heta 15 tysiač jeŭra.Volha trymałasia dobra, jana nie złamanaja. Jana sprabuje zmahacca.
Jana pastaviła pad sumnieŭ usiu šviedskuju sistemu, skazała, što toje, što zaraz adbyvajecca, heta sproba jaje zabojstva.Pavodle jaje šviedskaja sistema pryniała niezakonnaje rašeńnie ab departacyi, potym niezakonna zabrali jaje dzicia, zaraz sprabujuć jaje zhnaić u turmie.
Potym jana sprabavała pastavić pad sumnieŭ kampietentnaść prakurora,kazała, što prakuror sprabuje joj pomścić za toje, što jana apublikavała pra jaje artykuł u internecie i ŭniesła ŭ svoj «čorny śpis» šviedskich čynoŭnikaŭ.
Kłaskoŭskaja skazała, što «prakuror ustała ŭ pozu, jak dzicia». Jana niekalki razoŭ źviartałasia naŭprost da Hiokaja Biezhina, svajho muža (rašeńnie ab ich razvodzie budzie pryniataje taksama ŭ žniŭni) i pytałasia: «Dzie moj syn?»
Hiokaj byŭ vielmi spakojny, jon nie adkazvaŭ na jaje pytańni. Jon skazaŭ sudu, što źbirajecca z synam pierajechać i skarystacca mahčymaściu «sakretnaj identyfikacyi».U Šviecyi jość taki srodak abarony udzielnikaŭ sudovaha pracesu — čałaviek mianiaje dakumienty, usie svaje identyfikacyjnyja dadzienyja. Hiokaj choča skarystacca takoj mahčymaściu, kab Volha nikoli nie zmahła znajści jaho i ich syna.
Volhu pakinuli pad vartaj. Ja razmaŭlała ź jurystami, i jany kažuć, što heta prykmieta taho, što jaje mohuć paličyć vinavataj.
Advakat skazaŭ mnie, što Volha była vielmi zadavolenaja vynikam psichijatryčnaj ekśpiertyzy, što dla jaje było vielmi važna, što jaje pryznali psichična zdarovaj. Advakat taksama paviedamiŭ, što jana maje namier abskardžvać prysud.
Što tyčycca hramadskaj reakcyi ŭ Švecyi, to nijakaha rezanansu hetaja sprava nie maje, heta zvyčajnaja «bytavucha. Navat biełarusy, jakija tut žyvuć, nie nadta hetaj spravaj cikaviacca.
***
Volhu vinavaciać u «zamachu na zabojstva albo naniasieńnie asabliva ciažkaj škody zdaroŭju» svajmu mužu Hiokaju Biezhinu.
Kiraŭnik šviedskaj pravaabarončaj arhanizacyi Östgruppen Marcin Uhła ličyć, što šviedskaja systema dziejničaje ŭ miežach zakona i što razbor pastupova pierachodzić z etapu na etap.
«Ja liču, što zaciahvańnie vyrašeńnia losu Volhi Kłaskoŭskaj u hetym vypadku całkam narmalnaje. Tut takaja pracedura, jakaja maje roznyja etapy, voś jany i vykonvajucca. Było pytańnie pra psichałahičny stan Kłaskoŭskaj, vyrašyli zrabić analiz. I voś na pasiadžeńni dajecca vynik analizu. I zatym pačynajecca novy etap pracedury. Dla mianie heta vyhladaje narmalnym. Što da terminu, jakija patrabuje prakuror, to za takoje złačynstva, kali jano było ździejśniena, mohuć być jak minimalny, tak i maksimalny termin, jakija mohuć vielmi roźnicca ŭ zaležnaści ad abstavinaŭ», — kaža Marcin Uhła.
