Da pravierki pradukcyi Roshen padklučyŭsia Dziaržstandart Biełarusi 2

Dziaržaŭny kamitet pa standartyzacyi Biełarusi padklučyŭsia da pravierki, što pravodzić Ministerstva achovy zdaroŭja, pradukcyi ŭkrainskaj karparacyi Roshen.

Jak paviedamili ŭ pres-słužbie Dziaržstandarta, nahladnyja orhany kamiteta pačynajuć pravierku siońnia i buduć pracavać na praciahu nastupnych niekalkich dzion. «Usia infarmacyja, što pastupić ad inśpiekcyj, budzie abahulniacca, kab rašeńnie adnosna pradukcyi Roshen było ŭzvažanym i abjektyŭnym», — adznačyli ŭ pres-słužbie.

Padčas pravierki Dziaržstandarta «budzie nadavacca ŭvaha pakazčykam jakaści, biaśpieki i markiroŭki», a pry vyjaŭleńni nieadpaviednaściaŭ mahčymy adbor uzoraŭ i praviadzieńnie vyprabavańniaŭ.

I ŭ Dziaržstandarcie, i ŭ Ministerstvie achovy zdaroŭja paviedamlajuć, što kančatkovyja vyniki pravierki čakajucca nie raniej jak na nastupnym tydni.

Nahadajem, 29 lipienia Rasspažyŭnahlad zabaraniŭ uvoz u Rasiju kandytarskich vyrabaŭ Roshen, paśla taho jak u hetaj pradukcyi byli vyjaŭleny parušeńni pa normie ŭtrymańnia tłuščaŭ i arhanaleptyki, a ŭ niekatorych vyrabach było vyjaŭlena niebiaśpiečnaje rečyva bienzapiren. Kiraŭnik Rasspažyŭnahladu Hienadź Aniščanka papiaredziŭ partnioraŭ Rasii pa Mytnym sajuzie ab niedapuščalnaści reekspartu ŭ RF pradukcyi Roshen. Ministerstva achovy zdaroŭja Biełarusi 30 lipienia pačało pravierku pradukcyi z adboram probaŭ pa ŭsioj krainie. Akramia taho, jak paviedamiła ministerstva, u Biełarusi pryniaty miery pa niedapuščeńni tranzitu i reekspartu kandytarskich vyrabaŭ Roshen na terytoryju Rasii.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH