Viadomy rasijski žurnalist Vasilij Piaskoŭ pamior va ŭzroście 83 hadoŭ, paviedamiła ŭ paniadziełak, 12 žniŭnia, hazieta «Komsomolskaja pravda», ź jakoj jon supracoŭničaŭ bolš za 50 hadoŭ. Niekalki hadoŭ tamu Piaskoŭ pieranios insult, napisała «KP», adnak, niahledziačy na prablemy sa zdaroŭjem, praciahvaŭ pracavać da apošnich dzion žyćcia.
Vasilij Michajłavič Piaskoŭ z 1956 hoda źjaŭlaŭsia stałym aŭtaram «Kamsamolskaj praŭdy», viadučym aŭtarskaj rubryki «Akno ŭ pryrodu». Publikacyi Piaskova rehularna źjaŭlalisia i ŭ inšych vydańniach, uklučajučy «Rasijskuju hazietu». Jon taksama pracavaŭ i na telebačańni — z 1975 pa 1990 hady byŭ viadučym prahramy «U śviecie žyvioł».
Akramia taho, Piaskoŭ napisaŭ niekalki knih, pieršaja ź jakich była apublikavanaja ŭ 1960 hodzie. Za knihu «Kroki pa rasie» (1963 hod) jon byŭ uhanaravany Leninskaj premijaj.
Adnym z samych viadomych tvoraŭ Piaskova źjaŭlajecca apovieść «Tajhovy tupik», pieršyja raździeły jakoj byli nadrukavanyja ŭ «KP» u 1982 hodzie. «Tajhovy tupik», jaki vyklikaŭ vialiki hramadski rezanans, raspaviadaje pra los siamji staravieraŭ Łykavych, jakija pražyli niekalki dziesiatkaŭ hadoŭ u izalacyi.
