U Jehipcie zahinuli 36 źniavolenych isłamistaŭ

36 źniavolenych, členaŭ ruchu «Braty-musulmanie», zahinuli ŭ Jehipcie pry sprobie ŭciokaŭ padčas ich pieravozki ŭ turmu za miežami Kaira.

Pieršapačatkova MUS krainy paviedamiła, što mužčyny zahinuli ŭ vyniku napadu nieviadomaha bajevika, jaki adkryŭ ahoń.

Adnak paśla MUS pryznała, što źniavolenyja pamierli ad udychańnia paroŭ ślezaciečnaha hazu, jaki achoŭniki ŭžyli, kali pałonnyja ŭziali ŭ zakładniki adnaho z vajskoŭcaŭ.

Raniej kiraŭnik jehipieckaj armii Abdel Fatach Sisi papiaredziŭ prychilnikaŭ adchilenaha ad ułady prezidenta Mursi, što nie pacierpić hvałtu, adnak zapeŭniŭ, što ŭ Jehipcie «znojdziecca miesca ŭsim».

Hienierał Sisi zaklikaŭ prychilnikaŭ Machamieda Mursi «adnavić demakratyčny šlach» i «ŭlicca ŭ palityčny praces».

Heta była pieršaja publičnaja zajava Sisi paśla padaŭleńnia siłami biaśpieki akcyj pratestaŭ «Bratoŭ-musulman» — ruchu, jaki padtrymlivaje Mursi.

Jehipieckaje dziaržaŭnaje infarmacyjnaje ahienctva Miena paviedamiła, što padčas subotnich pratestaŭ pa ŭsioj krainie 79 čałaviek zahinuli i 549 atrymali ranieńni.

Miž tym «Aljans suprać pieravarotu», jaki padtrymlivaje Mursi, abviaściŭ pra namier pravieści novyja akcyi pratestu ŭ Kairy — niahledziačy na raniejšyja paviedamleńni ab admienie demanstracyj z-za pahrozy snajpieraŭ.

0

0

0

0

0

0

Pavodle Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH