Jak paviedamiŭ pradstaŭnik Śledčaha kamiteta pa Minsku Alaksandr Hierasimaŭ, aryštavany uładalnik «Dańkaŭ-kłuba» i jaho advakat aznajomilisia ŭ materyjałami kryminalnaj spravy. Prakuror rychtuje spravu dla pieradačy ŭ sud.
Juryja Dańkova abvinavačvajuć pa siami artykułach Kryminalnaha kodeksa. Pa viersii śledčych, Dańkoŭ sa studzienia 2007 pa vierasień 2012 uchilaŭsia ad vypłaty padatkaŭ i zboraŭ, što naniesła dziaržavie škodu na 918.105.170 rubloŭ; u 2011-2012 arhanizoŭvaŭ i ŭtrymlivaŭ z vykarystańniem słužbovych paŭnamoctvaŭ u svaim kłubie pryton dla zaniatkaŭ prastytucyjaj, a taksama vykarystoŭvaŭ zaniatki prastytucyjaj inšymi asobami dla atrymańnia materyjalnaj vyhady; unosiŭ iłžyvyja źviestki ŭ dakumienty, vydavaŭ niesapraŭdnyja dakumienty; padroblivaŭ dakumienty i raspaŭsiudžvaŭ ich; dapamahaŭ u falsifikacyi dokazaŭ pa hramadzianskaj spravie asobie, jakaja ŭdzielničała ŭ spravie; uciahvaŭ žančyn u zaniatki prastytucyjaj z metaj atrymańnia vyhady; zachoŭvaŭ z metaj rekłamavańnia i rekłamavaŭ parnahrafičnyja materyjały, a taksama publična demanstravaŭ parnahrafičny videafilm.
Juryj Dańkoŭ byŭ aryštavany 4 vieraśnia 2012.
